ట్విస్ట్ ఇచ్చిన తైవాన్.. చైనాకు భయపడిందా?
ఇరుదేశాలు కూడా సరిహద్దుల వద్ద భారీగా సైన్యాన్ని ఆయుధాలను మొహరించడం సంచలనంగా మారిపోయింది. ఈ క్రమంలోనే చైనా తైవాన్ మధ్య యుద్ధం జరిగితే.. ఇక ప్రపంచ దేశాలు ఎవరికి మద్దతుగా నిలుస్తాయి అన్న విషయం కూడా హాట్ టాపిక్ గా మారింది. అయితే తైవాన్ చైనాలో భాగం కాదు అంటూ అగ్ర దేశమైన అమెరికా సైతం చిన్న దేశమైన తైవాన్ కు మద్దతుగా నిలిచింది. ఈ విషయంపై అటు చైనా అమెరికా మధ్య విమర్శలు ప్రతి విమర్శలు కూడా జరిగాయి అని చెప్పాలి. ఇలాంటి ఉద్రిక్త పరిస్థితుల మధ్య తైవాన్ ఇటీవల ట్విస్ట్ ఇచ్చింది.
తమది ప్రత్యేక దేశమని చైనాలో కలిసే ప్రసక్తే లేదు అంటూ మొన్నటి వరకు తైవాన్ అధ్యక్షుడు చెప్పగా.. ఇప్పుడు చైనా విషయంలో తైవాన్ దూకుడు తగ్గించింది. ఆ దేశం నూతన అధ్యక్షుడు లాయ్ జింగ్ తే ఇటీవల చేసిన ప్రసంగంలో చైనాపై విరుచుకుపడ్డారు. దీంతో తైవాన్ చుట్టూ బీజింగ్ సైనిక విన్యాసాలు చేపట్టింది. ఈ క్రమంలోనే ఇప్పుడు లాయ్ వెనక్కి తాగ్గారు. మాకు ప్రాంతీయ స్థిరత్వం ఎంతో కీలకం. అందుకోసం చైనాతో కలిసి పనిచేసేందుకు సిద్ధంగా ఉన్నాం. ఈ విషయంలో పరస్పర అంగీకారంతో ఇరు దేశాలు ఒక ఒప్పందానికి రావాలి అంటూ లాయ్ ప్రసంగించారు.