రజినీకాంత్ నీ రిక్వెస్ట్ చేస్తున్న రామ్ చరణ్..?
ఈ నేపథ్యంలో సినిమాకి సంబంధించిన ట్రైలర్ పనుల్లో చాలా బిజీగా ఉన్నారు డైరెక్టర్ సురేందర్ రెడ్డి. ఈ క్రమంలో ట్రైలర్ నీ వినూత్నంగా రిలీజ్ చేయటానికి నిర్మాత రామ్ చరణ్ సరికొత్త నిర్ణయాలు తిసుకున్నట్లు ఫిల్మ్ నగర్ లో వార్తలు వినపడుతున్నాయి. బాలీవుడ్ లో ఇప్పటికే అమితాబ్ బచ్చన్ ద్వారా రిలీజ్ చేయించాలని ప్లాన్ చేసుకున్న చరణ్ తమిళ్ ట్రైలర్ ను సూపర్ స్టార్ రజినీకాంత్ ద్వారా రిలీజ్ చేయించేందుకు రెడీ అవుతున్నారు.
తమిళంలో ఈ సినిమా భారీ స్థాయిలో విడుదల కానుంది. ఈ నేపథ్యంలో సినిమాపై హైప్ రావాలంటే ఖచ్చితంగా రజనీకాంత్ లాంటి స్టార్ హీరో ప్రమోషన్ కార్యక్రమంలో పాల్గొంటే బాగుంటుందని ఈ కార్యక్రమంలో పాల్గొనటానికి రజినీకాంత్ ని రిక్వెస్ట్ చేయడానికి చెర్రీ సిద్ధమైనట్లు సమాచారం. గతంలో రజనీకాంత్ నటించిన సినిమాలు తెలుగులో విడుదల అవుతున్న సందర్భాల్లో చాలా ప్రమోషన్ కార్యక్రమాల్లో చిరంజీవి పాల్గొన్న సందర్భాలున్నాయి. ఈ నేపథ్యంలో ఆ చనువుతో రామ్ చరణ్ సైరా సినిమా ప్రమోషన్ తమిళ్ లో రజినీకాంత్ పాల్గొనేలా చేయడం కోసం తన వంతు ప్రయత్నాలు జరుపుతున్నట్లు సమాచారం.