లండన్ వీధుల్లో ఫ్యామిలీతో చిల్ అవుతున్న ఎన్టీఆర్.. వీడియో వైరల్..!!
టాలీవుడ్ స్టార్ హీరో ఎన్టీఆర్ ఈ ఏడాది ‘దేవర’ చిత్రంతో ప్రేక్షకుల ముందుకు వచ్చారు. కొరటాల శివ దర్శకత్వంలో తెరకెక్కిన ఈ సినిమాలో జాన్వీ కపూర్ హీరోయిన్‌గా నటించింది. అయితే ఈ మూవీ సెప్టెంబర్ 27న భారీ అంచనాల మధ్య విడుదలై ఘన విజయాన్ని సాధించింది. ఈ క్రమంలోనే ఎన్టీఆర్, ప్రశాంత్ నీల్ కాంబోలో ఓ మూవీ రాబోతున్నట్లు అధికారిక ప్రకటన విడుదలైంది. దీంతో ఈ సినిమాపై ప్రేక్షకుల్లో భారీ అంచనాలు నెలకొన్నాయి.ఈ చిత్రంతో పాటు ఎన్టీఆర్ ‘వార్-2’లోనూ నటిస్తున్నారు. అలాగే షూటింగ్స్ గ్యాప్ దొరికినప్పుడల్లా ఫ్యామిలీతో వెకేషన్‌కు వెళ్తూ ఫుల్ ఎంజాయ్ చేస్తున్నారు. అయితే క్రిస్మస్, న్యూ ఇయర్ సందర్భంగా ఎన్టీఆర్ విదేశాలకు వెళ్లిన విషయం తెలిసిందే. తన ఫ్యామిలీతో కలిసి లండన్ వెళ్లాడు. తాజాగా, తారక్ తన భార్య, ఇద్దరు కుమారులతో కలిసి లండన్ వీధుల్లో చిల్ అవుతున్న వీడియో ఒకటి సోషల్ మీడియాలో వైరల్ అవుతోంది. ఆయన తన కుటుంబంతో కార్నివాల్ ఎగ్జీబీషన్‌లో సందడి చేశారు. అంతేకాకుండా పలు వస్తువులు కొనుగోలు చేస్తూ కనిపించారు. ఇక ఈ వీడియోను నెటిజన్లు షేర్ చేస్తూ టైగర్ చిల్లింగ్ మోడ్‌లో ఉందనే క్యాప్షన్ జత చేస్తున్నారు.ఇదిలావుండగా తాజాగా దేవర చిత్రం జపాన్‌లో కూడా విడుదల కాబోతుంది. అయితే ఈ సినిమా అనంతరం వార్ 2 షూటింగ్‌తో పాటు కేజీఎఫ్, సలార్ చిత్రాల ఫేం ప్రశాంత్ నీల్ సినిమాలతో బిజీగా ఉన్నాడు.ఇదిలావుండగా దేవర' పార్ట్ 1 మూవీలో చిక్కుప్రశ్నలుగా మిగిలిన అన్ని విషయాలకు సమాధానాలు, 'దేవర' పార్ట్ 2లో దొరుకుతాయని అంటున్నారు. ఈ సినిమాని 2025 జూలై నుంచి సెట్స్ మీదకి తీసుకెళ్లాలని ప్లాన్ చేసుకుంటున్నారు. ప్రస్తుతం హృతిక్ రోషన్‌తో 'వార్ 2' మూవీ చేస్తున్న ఎన్టీఆర్, త్వరలో ప్రశాంత్ నీల్ దర్శకత్వంలో సినిమా షూటింగ్‌లో పాల్గొంటాడు.ప్రశాంత్ నీల్ సినిమా, 2026 జనవరిలో రిలీజ్ కాబోతోంది.