మళ్లీ తెరపైకి విక్రమార్కుడు 2.. హీరో ఎవరో తెలుసా..?
కొన్ని సంవత్సరాల క్రితం మాస్ మహారాజా రవితేజ హీరోగా అనుష్క హీరోయిన్ గా ఎస్ ఎస్ రాజమౌళి దర్శకత్వంలో విక్రమార్కుడు అనే సినిమా వచ్చిన విషయం మన అందరికీ తెలిసిందే. ఈ సినిమాకు రాజమౌళి తండ్రి అయినటువంటి విజయేంద్ర ప్రసాద్ కథను అందించగా ... ఎం ఎం కీరవాణి ఈ సినిమాకు సంగీతం అందించాడు. భారీ అంచనాల నడుమ విడుదల అయిన ఈ సినిమా బ్లాక్ బస్టర్ విజయాన్ని సొంతం చేసుకుంది. ఈ సినిమాలో రవితేజ రెండు పాత్రలలో నటించాడు. ఓ పాత్రలో పవర్ ఫుల్ పోలీస్ ఆఫీసర్ గా కనిపించగా ... మరో పాత్రలో దొంగగా కనిపించాడు.
రెండు పాత్రలలో అద్భుతమైన వేరియేషన్స్ ను చూపించి తన నటనతో ప్రేక్షకులను ఆకట్టుకున్నాడు. ఇకపోతే ఈ సినిమా విడుదల అయిన చాలా సంవత్సరాల తర్వాత ఈ మూవీ కి కొనసాగింపుగా విక్రమార్కుడు 2 అనే సినిమా రాబోతుంది అని వార్తలు బయటకు వచ్చాయి. ఆ వార్తలకు తగినట్లుగానే విక్రమార్కుడు 2 కి మూవీ కి సంబంధించిన కథను ఇప్పటికే విజయేంద్ర ప్రసాద్ గారు రెడీ చేశారు అని అధికారిక ప్రకటన కూడా వచ్చేసింది. దానితో ఈ మూవీ త్వరగానే స్టార్ట్ అవుతుంది అని చాలా మంది అనుకున్నారు. కానీ ఇప్పటివరకు ఈ సినిమాకు సంబంధించిన అధికారిక ప్రకటన రాలేదు. ఈ మూవీ స్టార్ట్ కాలేదు. మళ్లీ తాజాగా విక్రమార్కుడు 2 కి సంబంధించిన ఓ క్రేజీ న్యూస్ వైరల్ అవుతుంది.
అసలు విషయం లోకి వెళితే ... విక్రమార్కుడు 2 సినిమాలో చిరంజీవి నటించడానికి ఆసక్తి చూపుతున్నట్లు ఓ వార్త ప్రస్తుతం వైరల్ అవుతుంది. ఇకపోతే చిరంజీవి ప్రస్తుతం మల్లాడి వశిష్ట దర్శకత్వంలో రూపొందుతున్న విశ్వంభర అనే సినిమాలో హీరోగా నటిస్తున్నాడు. ఈ మూవీ తర్వాత అనిల్ రావిపూడి దర్శకత్వంలో ఓ సినిమాలోనూ ఓ సినిమాలో , శ్రీకాంత్ ఓదెలా దర్శకత్వంలో మరో సినిమాలోనూ నటించడానికి చిరు గ్రీన్ సిగ్నల్ ఇచ్చి ఉన్నాడు.