ఆ మూడు బ్యానర్లకు వారే పెద్ద దిక్కు.. వారు లేకుంటే కష్టమేనా..?
టాలీవుడ్ ఇండస్ట్రీ లో అద్భుతమైన క్రేజ్ ఉన్న కొన్ని నిర్మాణ సంస్థలు ఉన్నాయి. వాటిలో కొంత మంది అద్భుతమైన క్రేజ్ ఉన్న దర్శకులు వరుస పెట్టి సినిమాలను చేస్తూ వస్తున్నారు. వాటి ద్వారా ఆ బ్యానర్లకి కొన్ని సినిమాల ద్వారా అపజయాలు వచ్చినా కూడా ఆ తర్వాత వెంటనే అద్భుతమైన క్రేజ్ ఉన్న దర్శకులతో సినిమాలను సెట్ చేసుకోవడం వల్ల ఆ బ్యానర్ క్రేజ్ మరింతగా పెరుగుతూ వస్తుంది. ఇకపోతే ఆ బ్యానర్లు ఏవి ..? ఆ బ్యానర్లలో సినిమాలు వరుసగా చేస్తున్న దర్శకులు ఎవరు అనేది తెలుసుకుందాం.
తెలుగు సినీ పరిశ్రమలో అద్భుతమైన గుర్తింపును సంపాదించుకున్న నిర్మాణ సంస్థలలో మైత్రి సంస్థ ఒకటి. ఈ సంస్థ వారు వరుస పెట్టి సుకుమార్ తో సినిమాలను నిర్మిస్తూ వస్తున్నారు. మైత్రి సంస్థ వారు సుకుమార్ తో మొదటగా రంగస్థలం సినిమాను నిర్మించారు. ఈ మూవీ అద్భుతమైన విజయాన్ని అందుకుంది. ఆ తర్వాత పుష్ప పార్ట్ 1 సినిమాను రూపొందించారు. ప్రస్తుతం పుష్ప పార్ట్ 2 సినిమాను నిర్మిస్తున్నారు. ఇకపోతే సుకుమార్ తన నెక్స్ట్ మూవీ ని రామ్ చరణ్ తో చేయబోతున్నాడు. ఈ సినిమాను కూడా మైత్రి సంస్థ వారే నిర్మించబోతున్నారు.
ఇక హారిక అండ్ హాసిని క్రియేషన్స్ బ్యానర్ వారు వరుస పెట్టి త్రివిక్రమ్ తో సినిమాలు చేస్తూ వస్తున్నారు. ఈయన కూడా ఈ బ్యానర్ లో సినిమాలు చేయడానికి అత్యంత ఆసక్తిని చూపిస్తున్నాడు. ఇక వీరి కాంబో లో మరికొన్ని రోజుల్లో మరో సినిమా కూడా స్టార్ట్ కాబోతున్నట్లు తెలుస్తోంది.
వైజయంతి మూవీస్ బ్యానర్ లో ఎక్కువ శాతం నాగ్ అశ్విన్ సినిమాలు చేస్తూ వస్తున్నాడు. ఈయన ఇప్పటివరకు తన కెరీర్ లో మూడు సినిమాలకు దర్శకత్వం వహిస్తే ఆ మూడు సినిమాలు కూడా ఈ బ్యానర్ లోనే రూపొందాయి.
ఇలా ఈ ముగ్గురు ఈ బ్యానర్ లలో సినిమాలు చేయడానికి అత్యంత ఆసక్తిని చూపిస్తూ వస్తున్నారు.