ఎస్ఎస్ఎంబి : మహేష్ కు జోడిగా ఆ హాలీవుడ్ బ్యూటీ.. రాజమౌళి ప్లాన్ అదిరిందిగా..!!
సూపర్ స్టార్ మహేష్ గుంటూరు కారం సినిమా తో ఈ ఏడాది ప్రేక్షకుల ముందుకు వచ్చాడు.మాటల మాంత్రికుడు త్రివిక్రమ్ తెరకెక్కించిన సినిమా సంక్రాంతి కానుకగా విడుదల అయి మంచి విజయం సాధించింది.ఇదిలా ఉంటే మహేష్ ప్రస్తుతం తన తరువాత సినిమాపై ఫోకస్ పెట్టాడు .మహేష్ తన తరువాత సినిమాను దర్శక ధీరుడు రాజమౌళి దర్శకత్వంలో చేస్తున్నాడు.బిగ్గెస్ట్ పాన్ వరల్డ్ మూవీ గా ఈ సినిమా తెరకెక్కుతున్నట్లు సమాచారం.ఈ సినిమా కోసం మహేష్ తన లుక్ పూర్తిగా మార్చేశారు.లాంగ్ హెయిర్ ,గుబురు గడ్డంతో మహేష్ లుక్ అదిరిపోయింది.ఈ సినిమాను బిగ్గెస్ట్ అడ్వెంచరస్ మూవీగా రాజమౌళి తెరకెక్కిస్తున్నాడు.ఈ సినిమా కోసం మహేష్ దాదాపు మూడు సంవత్సరాలు బిజీ కానున్నట్లు తెలుస్తుంది.ఈ సినిమా కోసం రాజమౌళి ఇప్పటికే లొకేషన్ వేట కొనసాగిస్తున్నాడు.
ఈ సినిమాను దాదాపు 1000 కోట్ల భారీ బడ్జెట్ తో తెరకెక్కిస్తున్నట్లు సమాచారం.దానికి తగ్గట్టుగా రాజమౌళి చాల రిచ్ విజువల్స్ తో ఈ సినిమాను తెరకెక్కిస్తున్నట్లు తెలుస్తుంది.
ఇదిలా ఉంటే ఈ సినిమాలో మహేష్ సరసన నటించే హీరోయిన్ గురించి రోజుకో పేరు వినిపిస్తుంది.గతం లో ఈ సినిమా కు సంబంధించి వినిపించిన హీరోయిన్ల జాబితాలో బాలీవుడ్‌ బ్యూటీ దీపికా పదుకోన్, ఇండోనేషియా కు చెందిన చెల్సియా ఇస్లాన్‌ పేర్లు వున్నాయి. తాజాగా హాలీవుడ్ బ్యూటీ నవోమీ స్కాట్‌ ని ఎంపిక చేయనున్నారని సమాచారం. నవోమి ఇంగ్లాండు లో పుట్టింది. భారత సంతతికి చెందిన నవోమి తల్లి ఉషా స్కాట్‌ గుజరాత్‌ నుంచి ఇంగ్లాండు కు వలస వెళ్లినట్లు సమాచారం.ఈ భామ హాలీవుడ్ లో 'ది మార్షియన్, అల్లాద్దీన్, ఛార్లీస్‌ ఏంజెల్స్, స్మైల్, విజర్డ్స్‌' వంటి పలు సినిమాల్లో నటించి తనకంటూ ప్రత్యేకమైన గుర్తింపు సాధించింది.ప్రస్తుతం ఈ భామ మహేష్ సరసన నటిస్తున్నట్లు వార్తలు వస్తున్నాయి.ప్రస్తుతం ఈ భామ మహేష్ సరసన నటిస్తున్నట్లు వార్తలు వస్తున్నాయి.త్వరలోనే మేకర్స్ ఈ విషయంపై సంబంధించి అధికారిక ప్రకటన చేయనున్నారు.