ఆ క్రేజీ బ్యానర్ చేతికి నితిన్.. విక్రమ్ కాంబో మూవీ.. అంచనాలు డబల్ అయినట్లే..?
టాలీవుడ్ ఇండస్ట్రీ లో తనకంటూ ఒక మంచి గుర్తింపును సంపాదించుకున్న యువ నటులలో నితిన్ ఒకరు. ఈయన తేజా దర్శకత్వంలో రూపొందిన జయం అనే మూవీ తో వెండి తెరకు పరిచయం అయ్యి మొదటి సినిమాతోనే మంచి విజయాన్ని మంచి గుర్తింపును సంపాదించుకున్నాడు. ఇప్పటివరకు ఎన్నో సినిమాలలో నటించిన నితిన్ ప్రస్తుతం టాలీవుడ్ ఇండస్ట్రీవ్లో మంచి గుర్తింపు కలిగిన నటుడిగా కెరియర్ను కొనసాగిస్తున్నాడు. ఇకపోతే గత కొంత కాలంగా మాత్రం నితిన్ నటించిన సినిమాలు వరుసగా ఫ్లాప్ అవుతూ వస్తున్నాయి.
ఆఖరుగా ఈ నటుడు ఎక్స్ట్రా ఆర్డినరీ మ్యాన్ అనే సినిమాలో హీరో గా నటించాడు. వక్కంతం వంశీ దర్శకత్వంలో రూపొందిన ఈ సినిమాలో శ్రీ లీల హీరోయిన్గా నటించింది. ఈ మూవీ బాక్స్ ఆఫీస్ దగ్గర ఫ్లాప్ అయ్యింది. ఇక ప్రస్తుతం ఈ నటుడు రాబిన్ హుడ్ , తమ్ముడు అనే సినిమాలలో హీరోగా నటిస్తున్నాడు. ఈ సినిమాలలో రాబిన్ హుడ్ మూవీ ని డిసెంబర్ నెలలో విడుదల చేయనున్నట్లు , తమ్ముడు మూవీ ని మహాశివరాత్రి కానుకగా విడుదల చేయనున్నట్లు మేకర్స్ ప్రకటించారు. ఇది ఇలా ఉంటే గత కొంత కాలంగా నితిన్ , విక్రమ్ కే కుమార్ కాంబోలో ఓ మూవీ రూపొందబోతున్నట్లు ఓ వార్త వైరల్ అవుతున్న విషయం మన అందరికీ తెలిసిందే.
ఇకపోతే ప్రస్తుతం ఈ కాంబో మూవీ కి సంబంధించిన ఓ క్రేజీ న్యూస్ వైరల్ అవుతుంది. ఇప్పటికే వీరి కాంబోలో మూవీ సెట్ అయినట్లు , దానిని టాలీవుడ్ ఇండస్ట్రీ లో మంచి గుర్తింపు కలిగిన యువి క్రియేషన్స్ బ్యానర్ వారు నిర్మించబోతున్నట్టు , త్వరలోనే అందుకు సంబంధించిన అధికారిక ప్రకటన కూడా రాబోతున్నట్లు ఓ వార్త వైరల్ అవుతుంది. గతంలో వీరి కాంబోలో ఇష్క్ మూవీ రూపొందింది. ఈ సినిమా అద్భుతమైన విజయాన్ని అందుకుంది.