హరిహర వీరమల్లు : మరోసారి వైరల్ అవుతున్న క్రేజీ న్యూస్.. మేము అస్సలు నమ్మలేమంటున్న ఫాన్స్..?
పవర్ స్టార్ పవన్ కళ్యాణ్ చాలా కాలం క్రితం హరిహర వీరమల్లు అనే సినిమాను మొదలు పెట్టిన విషయం మన అందరికీ తెలిసిందే. ఇక ఈ మూవీ పవన్ కళ్యాణ్ హీరో గా నిధి అగర్వాల్ హీరోయిన్గా క్రిష్ జాగర్లమూడి దర్శకత్వంలో మొదలు అయింది. ఈ సినిమా మొదలు అయిన తర్వాత పవన్ కళ్యాణ్ "భీమ్లా నాయక్" సినిమాను స్టార్ట్ చేశాడు. అలాగే ఆ సినిమాపై కాస్త ఎక్కువ ఆసక్తిని చూపించాడు. దానితో ఈ మూవీ షూటింగ్ డిలే అవుతూ వచ్చింది. దానితో క్రిష్ కూడా కొండపొలం అనే సినిమాను మొదలు పెట్టాడు. ఇక హరిహర వీరమల్లు మూవీ ని పక్కన పెట్టేసి వీరిద్దరూ ఎవరి సినిమాలతో వారు బిజీ అయ్యారు.
ఆ తర్వాత వీరి సినిమాలు విడుదల అయ్యాక మళ్లీ హరిహర వీరమల్లు మూవీ ని మొదలు పెట్టారు. కానీ కొన్ని కారణాల వల్ల ఈ సినిమా షూటింగ్ మళ్లీ ఆగిపోయింది. దానితో ఇప్పటికే ఈ సినిమా దర్శకత్వ బాధ్యతల నుండి క్రిష్ తప్పుకున్నాడు. రూల్స్ రంజన్ మూవీ దర్శకుడు జ్యోతి కృష్ణ ఈ సినిమా యొక్క దర్శకత్వ బాధ్యతలను స్వీకరించాడు. ఇకపోతే కొంత కాలం క్రితం ఈ సినిమా యొక్క ఫస్ట్ సింగిల్ ను త్వరలోనే ఈ మూవీ బృందం వారు విడుదల చేయబోతున్నారు అని అనేక వార్తలు వచ్చాయి. దానితో ఈ మూవీ మొదటి సింగిల్ విడుదల అవుతుంది అని పవన్ అభిమా నులు కూడా భావించారు. కానీ ఆ తర్వాత మళ్లీ ఆ వార్త సైలెంట్ అయింది.
మళ్లీ ఈ మూవీ ఫస్ట్ సింగిల్ కి సంబంధించిన ఓ వార్త వైరల్ అవుతుంది. ఈ సినిమా యొక్క మొదటి సాంగ్ ను డిసెంబర్ మొదటి వారంలో విడుదల చేసే ఆలోచనలో మేకర్స్ ఉన్నట్లు , అందుకు సంబంధించిన పనులు ప్రస్తుతం వేగవంతంగా జరుగుతున్నట్లు ఓ వార్త వైరల్ అవుతుంది. మరి ఈసారైనా ఈ మూవీలోని మొదటి సాంగ్ ను విడుదల చేస్తారా ..? లేదా అనేది తెలియాలి అంటే మరి కొంత కాలం వేచి చూడాల్సిందే.