2025లో సందడి చేస్తారా.. ఒకప్పుడు స్టార్ హీరోయిన్స్.. ఇప్పుడేమో ఇలా..?
టాలీవుడ్ ఇండస్ట్రీలో స్టార్ హీరోయిన్ స్టేటస్ కలిగిన కొంత మంది ముద్దుగుమ్మలు ఈ సంవత్సరం బాక్స్ ఆఫీస్ దగ్గర పెద్దగా సందడి చేయలేకపోయారు. కొంత మంది ఒక్క సినిమాతో కూడా ఈ సంవత్సరం ప్రేక్షకుల ముందుకు రాకపోగా మరి కొంత మంది పోయిన సంవత్సరాలతో పోలిస్తే చాలా తక్కువ శాతం సినిమాలతో ప్రేక్షకుల ముందుకు వచ్చారు. అలా ఈ సంవత్సరం బాక్స్ ఆఫీస్ దగ్గర సందడి లేకుండా కెరియర్ను ముందుకు సాగించిన బ్యూటీస్ ఎవరో తెలుసుకుందాం.
టాలీవుడ్ ఇండస్ట్రీ లో సూపర్ క్రేజ్ కలిగిన హీరోయిన్లలో పూజ హెగ్డే ఒకరు. ఈ ముద్దుగుమ్మ కొన్ని సంవత్సరాల క్రితం వరుస పెట్టి సినిమాలతో బాక్స్ ఆఫీస్ దగ్గర సందడి చేసింది. కానీ ఈ మధ్య కాలంలో మాత్రం ఈ బ్యూటీ జోష్ చాలా వరకు తగ్గింది. పోయిన సంవత్సరం ఇతర భాష సినిమాలతో కాస్త ప్రేక్షకులను పలకరించిన ఈ బ్యూటీ ఈ మధ్యకాలంలో ఒక్క సినిమాతో కూడా ప్రేక్షకుల ముందుకు రాలేదు. ఇది ఇలా ఉంటే ఈ నటి ఏకంగా పోయిన సంవత్సరం ఈ సంవత్సరం ఒక్క తెలుగు సినిమాతో కూడా ప్రేక్షకులను పలకరించలేదు. ఇకపోతే శ్రీ లీలా పోయిన సంవత్సరం అనేక సినిమాలతో ప్రేక్షకులను ఆకట్టుకుంది. ఈ సంవత్సరం ఈ ముద్దుగుమ్మ మహేష్ బాబు హీరోగా రూపొందిన గుంటూరు కారం సినిమాతో తప్పితే ఏ సినిమాతో కూడా ప్రేక్షకుల ముందుకు రాలేదు. పోయిన సంవత్సరం శృతి హాసన్ ఏకంగా నాలుగు సినిమాలతో ఫుల్ సందడి చేసింది.
కానీ ఈ సంవత్సరం మాత్రం ఈమె నటించిన ఒక్క సినిమా కూడా బాక్స్ ఆఫీస్ దగ్గర విడుదల కాలేదు. ఇక ఈ సంవత్సరం చివరి దశకు చేరుకుంది. ఈ ముగ్గురు హీరోయిన్లలో ఏ హీరోయిన్ నటించిన సినిమా కూడా ఈ సంవత్సరం విడుదల అయ్యే అవకాశాలు కనబడడం లేదు. అలా ఈ ముగ్గురు స్టార్ స్టేటస్ కలిగిన హీరోయిన్స్ ఈ సంవత్సరం బాక్స్ ఆఫీస్ దగ్గర ఎక్కువ శాతం సందడి చేయలేకపోయారు. మరి వచ్చే సంవత్సరం అయినా బాక్సా ఫీస్ దగ్గర ఈ హీరోయిన్స్ సందడి వాతావరణాన్ని సృష్టిస్తారేమో చూడాలి.