మహేష్ ఫ్లాప్ సినిమాలకు ఇంతా క్రేజా.. ఇది కదా స్టార్ స్టామినా అంటే..?
సూపర్ స్టార్ మహేష్ బాబు క్రేజ్ గురించి ప్రత్యేక పరిచయం అవసరం లేదు. ఈయన ఇప్పటికే ఎన్నో అద్భుతమైన విజయవంతమైన సినిమాలలో హీరోగా నటించి టాలీవుడ్ ఇండస్ట్రీలో స్టార్ హీరోగా తిరుగులేని కెరియర్ను కొనసాగిస్తున్నాడు. ఇకపోతే మహేష్ బాబు ఆఖరుగా గుంటూరు కారం అనే సినిమాలో హీరోగా నటించాడు. ఈ మూవీ ఈ సంవత్సరం సంక్రాంతి పండుగ సందర్భంగా విడుదల అయింది. భారీ అంచనాల నడుమ విడుదల అయిన ఈ సినిమా ప్రేక్షకుల అంచనాలను అందుకోలేకపోయింది. శ్రీ లీల , మీనాక్షి చౌదరి ఈ సినిమాలో మహేష్ కి జోడిగా నటించగా ... త్రివిక్రమ్ శ్రీనివాస్ ఈ మూవీ కి దర్శకత్వం వహించాడు.
ఇకపోతే మహేష్ తన తదుపరి మూవీ ని ప్రపంచ వ్యాప్తంగా గుర్తింపును సంపాదించుకున్న దర్శకులలో ఒకరు అయినటువంటి రాజమౌళి తో చేయబోతున్నాడు. ఇప్పటికే వీరి సినిమాకు సంబంధించిన అధికారిక ప్రకటన కూడా వెలువడింది. కానీ అంతకుమించి ఎలాంటి అప్డేట్లు విడుదల కాలేదు. ప్రస్తుతం రాజమౌళి ఈ సినిమాకు సంబంధించిన ప్రీ ప్రొడక్షన్ పనుల్లో అత్యంత బిజీగా సమయాన్ని గడుపుతున్నట్లు తెలుస్తుంది. ఇక రాజమౌళి తన సినిమా కోసం చాలా సమయాన్ని తీసుకుంటాడు. ఆయన అనుకున్న ప్రోడక్ట్ వచ్చే వరకు దాన్ని వదిలి పెట్టడు. దానితో ఆయన సినిమా స్టార్ట్ అయ్యింది అంటే ఎప్పుడు విడుదల అవుతుందో జనాలకు క్లారిటీ ఉండదు. దానితో రాజమౌళితో ఏ హీరో సినిమా చేస్తాడో ఆ హీరో అభిమానులు ఆయనను ఎప్పుడూ వెండి తెరపై చూసుకుందామా అని ఆత్రుతగా ఎదురు చూస్తూ ఉంటారు.
రాజమౌళి సినిమా వచ్చే వరకు మహేష్ అభిమానులు రీ రిలీజ్ లపై దృష్టి పెట్టినట్లు తెలుస్తోంది. మహేష్ నటించిన సినిమాలను వరుసగా రీ రిలీస్ చేస్తే బాగుంటుంది అనే ఆలోచనలో చాలా మంది నిర్మాతలు కూడా ఉన్నట్లు తెలుస్తుంది. అందులో భాగంగా ఫ్లాప్ మూవీలను కూడా జనాల ముందుకు తీసుకో రావాలి అని ఆలోచనలో కొంత మంది నిర్మాతలు ఉన్నట్టు , వాటికి కూడా ఫుల్ డిమాండ్ వస్తున్నట్లు తెలుస్తోంది.