మైండ్ బ్లోయింగ్ రికార్డ్ ను సెట్ చేసిన గేమ్ ఛేంజర్.. 24 గంటల్లో ఏకంగా అన్ని వ్యూస్..?
మెగా పవర్ స్టార్ రామ్ చరణ్ తాజాగా గేమ్ చేంజర్ అనే సినిమాలో హీరో గా నటించిన విషయం మన అందరికీ తెలిసిందే. ఈ సినిమాలో కియార అద్వానీ హీరోయిన్గా నటించగా ... శంకర్ ఈ సినిమాకు దర్శకత్వం వహించాడు. శ్రీ వెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు అత్యంత భారీ బడ్జెట్ తో ఎంతో ప్రతిష్టాత్మకంగా ఈ మూవీ ని నిర్మించగా ... ఎస్ ఎస్ తమన్ ఈ సినిమాకు సంగీతం అందించాడు. ఎస్ జే సూర్య విలన్ పాత్రలో నటించిన ఈ మూవీ లో అంజలి , శ్రీకాంత్ , నవీన్ చంద్ర , సునీల్ , జయరాం ముఖ్య పాత్రలలో కనిపించబోతున్నారు. ఈ సినిమాను వచ్చే సంవత్సరం జనవరి 10 వ తేదీన విడుదల చేయనున్నారు.
ఈ సినిమా విడుదల తేదీ దగ్గర పడడంతో సెప్టెంబర్ 9 వ తేదీన సాయంత్రం ఈ సినిమాకు సంబంధించిన టీజర్ను లక్నో వేదికగా విడుదల చేశారు. ఈ మూవీ టీజర్ కు విడుదల అయిన తర్వాత ప్రేక్షకుల నుండి అద్భుతమైన రెస్పాన్స్ రావడం మొదలు అయింది. దానితో విడుదల అయిన 24 గంటల్లో ఈ సినిమా టీజర్ కు సూపర్ సాలిడ్ రెస్పాన్స్ వచ్చింది. దానితో ఈ మూవీ టీజర్ అదిరిపోయే రేర్ రికార్డును సొంతం చేసుకుంది.
అసలు విషయం లోకి వెళితే ... ఈ మూవీ టీజర్ కు విడుదల అయిన 24 గంటల సమయంలో 32.40 మిలియన్ వ్యూస్ , 54.7 కే లైక్స్ లభించాయి. ఇక ఇప్పటివరకు విడుదల అయిన తెలుగు సినిమా టీజర్లలో గేమ్ చేంజర్ టీజర్ అత్యధిక వ్యూస్ సాధించిన టీజర్ లో రెండవ స్థానంలోనూ , అత్యధిక లైక్స్ సాధించిన టీజర్ లలో ఆరవ స్థానంలోనూ నిలిచి అద్భుతమైన రికార్డును సొంతం చేసుకుంది.