శివ కార్తికేయన్ లైనప్ ఇదే.. స్టార్ హీరోలకు గుబులు పుట్టించే న్యూస్..?
కోలీవుడ్ స్టార్ హీరోలలో ఒకరు అయినటువంటి శివ కార్తికేయన్ గురించి ప్రత్యేక పరిచయం అవసరం లేదు. ఇప్పటికే ఈ నటుడు ఎన్నో విజయవంతమైన సినిమాలలో నటించి తమిళ సినీ పరిశ్రమలో మంచి గుర్తింపును సంపాదించుకున్నాడు. ఇకపోతే ఈయన తాను నటించిన చాలా సినిమాలను తెలుగు లో కూడా విడుదల చేశాడు. అందులో కొన్ని మూవీ లు మంచి విజయాలను టాలీవుడ్ బాక్స్ ఆఫీస్ దగ్గర కూడా అందుకోవడంతో ఈయనకు తెలుగు లో కూడా మంచి గుర్తింపు ఏర్పడింది. తాజాగా ఈ నటుడు అమరన్ అనే సినిమాలో హీరోగా నటించాడు. ఈ సినిమాను అక్టోబర్ 31 వ తేదీన తమిళ్ తో పాటు తెలుగు లో కూడా విడుదల చేశాడు. ఇక ఈ సినిమా కోలీవుడ్ , టాలీవుడ్ బాక్స్ ఆఫీస్ ల దగ్గర అద్భుతమైన విజయాన్ని అందుకుంది. ఈ సినిమాకు రెండు తెలుగు రాష్ట్రాల్లో ప్రస్తుతం సూపర్ సాలిడ్ కలెక్షన్లు వస్తున్నాయి. ఇకపోతే ప్రస్తుతం ఈ నటుడు చేతిలో దాదాపు అరడజనుకు పైగా సినిమాలు ఉన్నాయి. మరి శివ కార్తికేయన్ నెక్స్ట్ మూవీలు ఏ దర్శకులతో ఉన్నాయి అనే వివరాలను తెలుసుకుందాం.
ప్రస్తుతం శివ కార్తికేయన్ , ఏ ఆర్ మురుగదాస్ దర్శకత్వంలో ఓ సినిమా చేస్తున్నాడు. ఈ సినిమా మరికొన్ని రోజుల్లోనే విడుదల కానుంది. అలాగే తనకు డాన్ మూవీ తో మంచి విజయాన్ని అందించిన సి బి చక్రవర్తి దర్శకత్వంలో కూడా శివ కార్తికేయన్ ఓ సినిమా చేస్తున్నాడు. ఇక మహిళా దర్శకురాలు సుధా కొంగర దర్శకత్వంలో ఓ మూవీ కూడా చేస్తున్నాడు. ఈ మూడు సినిమాలతో పాటు వెంకట్ ప్రభు దర్శకత్వంలో ఓ సినిమాకి గ్రీన్ సిగ్నల్ ఇచ్చాడు. ఇక ఆర్ కుమార్ , హెచ్ వినోద్ , వినాయక్ చంద్రశేఖరన్ లాంటి దర్శకులతో కూడా ప్రస్తుతం శివ కార్తికేయన్ చర్చలు జరుపుతున్నట్లు వార్తలు వస్తున్నాయి.