బన్నీ ఫ్యాన్స్ కి బ్యాడ్ న్యూస్.. రన్ టైమ్ తగ్గించడానికి అలాంటి పని..?
టాలీవుడ్ ఇండస్ట్రీ లో సూపర్ క్రేజ్ కలిగిన హీరోలలో అల్లు అర్జున్ ఒకరు. ఈయన ఇప్పటివరకు ఎన్నో బ్లాక్బస్టర్ సినిమాలలో హీరోగా నటించి టాలీవుడ్ ఇండస్ట్రీ లో స్టార్ హీరోలలో ఒకరిగా కెరియర్ను కొనసాగిస్తున్నాడు. అల్లు అర్జున్ ఆఖరుగా పుష్ప పార్ట్ 1 అనే సినిమాతో ప్రేక్షకుల ముందుకు వచ్చాడు. ఈ సినిమాతో బన్నీ క్రేజ్ ఇండియా వ్యాప్తంగా పెరిగిపోయింది. ఇక ఈ సినిమాలోని అల్లు అర్జున్ నటనకు ప్రేక్షకుల నుండి , విమర్శకుల నుండి అద్భుతమైన ప్రశంసలు రావడం మాత్రమే కాకుండా ఈ సినిమాలోని నటనకు అల్లు అర్జున్ కి నేషనల్ అవార్డు కూడా దక్కింది.
ఇక ప్రస్తుతం ఈ సినిమాకు కొనసాగింపుగా పుష్ప పార్ట్ 2 మూవీ రూపొందుతుంది. రష్మిక మందన హీరోయిన్ గా నటిస్తున్న ఈ సినిమాకు సుకుమార్ దర్శకత్వం వహిస్తూ ఉండగా ... దేవి శ్రీ ప్రసాద్ ఈ సినిమాకి సంగీతం అందిస్తున్నాడు. ఇది ఇలా ఉంటే తాజాగా ఈ మూవీ కి సంబంధించిన ఒక న్యూస్ వైరల్ అవుతుంది. ఈ మూవీ కోసం ఇప్పటికే దేవి శ్రీ ప్రసాద్ కొన్ని పాటలను ఇచ్చాడు. ఇకపోతే అందులో నుండి ఓ పాటను మేకర్స్ తీసేయాలి అని డిసైడ్ అయినట్లు తెలుస్తుంది. ఎందుకు అంటే ఈ సినిమా రన్ టైమ్ ఇప్పటికే చాలా ఎక్కువగా వచ్చినట్లు , దానితో మరొక పాటను పెడితే ఇంకాస్త రన్ టైం పెరగడం వల్ల జనాలు సినిమా డిస్కనెక్ట్ అయ్యే అవకాశాలు ఉన్నందున సినిమా రన్ టైం ను తగ్గించడానికి అదొక్కటే మార్గం అని భావించిన ఈ మూవీ యూనిట్ సినిమా నుండి ఒక సాంగ్ మొత్తాన్ని తీసేసినట్లు తెలుస్తోంది.
ఇలా సాంగ్ మొత్తాన్ని యూనిట్ తీసేసింది అనే వార్త బయటకు రావడంతో అల్లు అర్జున్ అభిమానులు కాస్త డిసప్పాయింట్ అవుతున్నట్లు తెలుస్తోంది. మలయాళ నటుడు పహాధ్ ఫాజిల్ ఈ సినిమాలో విలన్ పాత్రలో కనిపించనుండగా ... అనసూయ , సునీల్ , రావు రమేష్ ముఖ్య పాత్రలలో కనిపించబోతున్నారు.