చరణ్ మూవీ కోసం చిరుని ఫుల్ గా వాడేసిన శంకర్.. ఏకంగా ఇంద్రలోని యాక్షన్ ఎపిసోడ్..?
టాలీవుడ్ ఇండస్ట్రీలో సూపర్ క్రేజ్ కలిగిన హీరోలలో ఒకరు అయినటువంటి మెగా పవర్ స్టార్ రామ్ చరణ్ తాజాగా గేమ్ చేంజర్ అనే సినిమాలో హీరోగా నటించాడు. ఈ సినిమాలో కియార అద్వానీ , చరణ్ కి జోడిగా నటించగా ... శంకర్ ఈ మూవీ కి దర్శకత్వం వహించాడు. శ్రీ వెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు ఈ సినిమాను నిర్మించగా ... ఎస్ ఎస్ తమన్ ఈ సినిమాకు సంగీతం అందించాడు. ఈ మూవీ లో ఎస్ జె సూర్య విలన్ పాత్రలో కనిపించనుండగా ... అంజలి , సునీల్ , శ్రీకాంత్ , నవీన్ చంద్ర ఈ మూవీ లో ముఖ్య పాత్రలలో కనిపించబోతున్నారు.
ఈ సినిమాను వచ్చే సంవత్సరం సంక్రాంతి పండుగ సందర్భంగా జనవరి 10 వ తేదీన విడుదల చేయనున్నట్లు ఈ మూవీ బృందం వారు అధికారికంగా ప్రకటించారు. ఇకపోతే ఈ సినిమాలో చిరంజీవి హీరోగా రూపొందిన ఇంద్ర సినిమాలోని రిఫరెన్స్ లను బాగా వాడినట్లు తెలుస్తోంది. కొన్ని రోజుల క్రితం ఈ మూవీ నుండి "రా మచ్చా" అంటూ సాగే పాటను విడుదల చేశారు. ఇందులో చిరంజీవి "ఇంద్ర" సినిమాలో వేసిన విన స్టెప్ లిరిక్స్ ను వాడారు. అలాగే ఈ మూవీలోని ఆ సాంగ్ లో చరణ్ వీర స్టెప్ కూడా వేసినట్లు తెలుస్తోంది. ఇకపోతే కొన్ని రోజుల క్రితం ఈ మూవీ బృందం వారు ఈ సినిమా టీజర్ ను సెప్టెంబర్ 9 వ తేదీన విడుదల చేయనున్నట్లు ప్రకటిస్తూ ఓ పోస్టర్ను విడుదల చేశారు. ఈ పోస్టర్లో చరణ్ రైల్వే ట్రాక్ పై కూర్చుని ఉన్నాడు.
అతని ముందు అనేక మంది రైల్వే ట్రాక్ పై పడుకొని ఉన్నారు. ఇకపోతే ఇంద్ర సినిమాలో హెలికాప్టర్ పై వచ్చి చిరంజీవి ట్రాక్ మధ్యలో దిగే సిన్ ఒకటి ఉంటుంది. అలాంటి సీన్ నే ఈ సినిమాలో కూడా పెట్టినట్లు తెలుస్తుంది. హెలికాప్టర్ పై వచ్చి చరణ్ రైల్వే ట్రాక్ పై దిగి విలన్ లను చిత్తుచిత్తు చేసే యాక్షన్ సన్నివేశం ఉండబోతున్నట్లు తెలుస్తుంది. అలా శంకర్ ఈ సినిమాలో ఇంద్ర రిఫరెన్స్ సన్నివేశాలను చాలా తీసుకున్నట్లు ఓ వార్త వైరల్ అవుతుంది.