జ్యోతి పూర్వజ్:'కిల్లర్'తో ప్రేమాయణం..అసలు విషయం ఏంటి!
తెలుగు సినీ పరిశ్రమలో తనదైన ముద్ర వేసిన నటి జ్యోతి పూర్వజ్ గురించి తెలియని వారుండరు. సీరియల్స్, సినిమాలతో ప్రేక్షకులను అలరిస్తున్న ఈ ముద్దుగుమ్మ తాజాగా మరో కొత్త ప్రాజెక్టుతో అందరి దృష్టిని ఆకర్షిస్తోంది. గుప్పెడంత మనసు సీరియల్‌లో జగతిగా మనల్ని అలరించిన జ్యోతి తన తాజా సినిమా ‘కిల్లర్’లో ఓ కొత్త ఇమేజ్‌లో కనిపించబోతున్నారు. ఈ సినిమాలో ఆమె ఓ కీలక పాత్రలో నటిస్తున్నారు. పూర్వజ్ దర్శకత్వంలో ఈ చిత్రం రూపొందుతోంది. ‘కిల్లర్’ ఒక యాక్షన్ థ్రిల్లర్. ఈ సినిమాలో జ్యోతి పూర్వజ్ తన నటనతో అందరినీ ఆశ్చర్యపరచడానికి సిద్ధంగా ఉన్నారు.
ఏయు అండ్ఐ, మెర్జ్ ఎక్స్ ఆర్ సంస్థతో కలిసి థింక్ సినిమా బ్యానర్ పై ఈ మూవీని నిర్మిస్తున్నారు. పూర్వాజ్ ప్రజయ్ కామత్, ఎ. పద్మనాభరెడ్డి ఈ కొలాబ్రేషన్ లో నిర్మాణమవుతున్న రెండవ చిత్రమిది. ఇకపోతే రెండు భాగాలుగా తెరకెక్కుతున్న ఈ సినిమా నుండి ఈ రోజు “కిల్లర్” పార్ట్ 1 డ్రీమ్ గర్ల్ మూవీ నుంచి జ్యోతి పూర్వజ్ క్యారెక్టర్ ఫస్ట్ లుక్ తో పాటు మోషన్ పోస్టర్ రిలీజ్ చేశారు.ఇక ఆ పోస్టర్ లో చేతిలో గొడ్డలి పట్టుకున్న పవర్ ఫుల్ వుమెన్ రోబోను పరిచయం చేశారు. ఆ రోబో జ్యోతి పూర్వజ్ క్యారెక్టర్ గా మారడం ఆసక్తికరంగా ఉంది. జ్యోతి పూర్వజ్ క్యారెక్టర్ లుక్ లో ఆమె ఒక భుజానికి వెజిటేబుల్స్ బ్యాగ్ మరో చేతిలో గొడ్డలి పట్టుకుని ఉంది.
అద్దంలో ఆమె రిఫ్లెక్షన్ పవర్ ఫుల్ వుమెన్ రోబోను చూపిస్తోంది. మోషన్ పోస్టర్ లో చూపించిన ఎలిమెంట్స్ అన్నీ “కిల్లర్” మూవీపై మరింత అంచనాలను పెంచేసింది. ఆమె కొత్త ఇమేజ్‌ను చూడాలని ఆసక్తిగా ఉన్నారు. ఈ సినిమా విడుదల తేదీ ఇంకా అధికారికంగా ప్రకటించకపోయినా, సోషల్ మీడియాలో ఈ సినిమా గురించి చాలా చర్చ జరుగుతోంది. కాగా ఆమె నటించిన ప్రతి సినిమా కూడా విజయవంతమైంది. తన నటన, అందం, క్యారెక్టర్‌ను ఎంచుకునే విధానం ఆమెకు మంచి గుర్తింపును తెచ్చిపెట్టాయి. జ్యోతి పూర్వజ్ సోషల్ మీడియాలో కూడా చాలా యాక్టివ్‌గా ఉంటారు. ఆమె తన ఫోటోలు, వీడియోలను తరచూ పోస్ట్ చేస్తుంటారు.