డ్యూయెట్ సినిమా హీరోయిన్ లుక్: నెటిజన్లను కట్టిపడేస్తున్న అందం!
తెలుగు సినీ ప్రేక్షకులకు అత్యంత ప్రియమైన నటుడు ఆనంద్ దేవరకొండ నటిస్తున్న లేటెస్ట్ మూవీ ‘డ్యూయెట్’. ఇక ఈ మూవీని జ్ఞానవేల్ రాజా, స్టూడియో గ్రీన్ బ్యానర్‌పై మిథున్ వరదరాజ కృష్ణన్ తెరకెక్కిస్తున్నారు. ఈ సినిమాలో ఆనంద్ దేవరకండ, రితికా నాయక్ జంటగా నటిస్తున్నారు. యూత్ ఫుల్ లవ్ ఎంటర్టైనర్ గా ఈ చిత్రం తెరకెక్కుతున్నట్లు తెలుస్తోంది. ఆనంద్ దేవరకొండ ఈ సినిమాలో మదన్ అనే పాత్రలో నటిస్తున్నారు. ఈ సినిమాపై ఇప్పటికే భారీ అంచనాలు నెలకొన్నాయి. తాజాగా ఈ మూవీ నుంచి హీరోయిన్ రితికా నాయక్ ఫస్ట్ లుక్ ను మేకర్స్ రిలీజ్ చేయడంతో సోషల్ మీడియాలో కలకలం రేగుతోంది.
ఈ ఫస్ట్ లుక్ లో రితికా నాయక్ పెళ్లి కూతురు గెటప్ లో సిగరెట్ తాగుతూ కనిపిస్తోంది. ఈ లుక్ చాలా డిఫరెంట్ గా ఉంది. ఇంతకు ముందు రితికా నాయక్ ఇలాంటి పాత్రలో కనిపించలేదు. ఈ కొత్త అవతారంలో ఆమె ఎంతో అందంగా కనిపిస్తోంది. ఈ ఫొటో సోషల్ మీడియాలో వైరల్ అవుతుంది. రితికా నాయక్ ఫస్ట్ లుక్ రిలీజ్ కాగానే సోషల్ మీడియాలో రకరకాల కామెంట్స్ వస్తున్నాయి. కొంతమంది రితికా నాయక్ కొత్త లుక్ చాలా బాగుందని ప్రశంసలు కురిపిస్తున్నారు. మరికొంతమంది ఈ లుక్ కొంచెం డిఫరెంట్ గా ఉందని అంటున్నారు. కాగా ఇప్పుడు ‘డ్యూయెట్’ మూవీపై అంచనాలు మరింత పెరిగాయి.
అంతేకాకుండా ఈ సినిమాకి సంబంధించి త్వరలోనే హీరో ఫస్ట్ లుక్ కూడా రిలీజ్ చేస్తాం అంటూ మేకర్స్ తెలిపారు. ఇది కాసేపు పక్కన పెడితే బేబీ సినిమాతో హీరో గా మంచి క్రేజ్ తెచ్చుకున్న ఆనంద్ దేవరకొండ గం గం గణేశా సినిమాతో మరోసారి ప్రేక్షకుల ముందుకు వచ్చి విమర్శల ప్రశంసలను అందుకున్నాడు. కాగా ఇప్పుడు మళ్లీ డ్యూయెట్ సినిమాతో మరోసారి ప్రేక్షకుల ముందుకు రావడంతో ఈ సినిమాపై ప్రేక్షకులలో భారీ అంచనాలు నెలకొన్నాయి. ఇకపోతే ఇటీవలే జరిగిన సైమ అవార్డ్స్ లో బేబీ చిత్రానికి ఉత్తమ డెబ్యూ అవార్డు లభించింది. అంతేకాకుండా ఈ సినిమాలో హీరో హీరోయిన్ గా నటించిన ఆనంద్, వైష్ణవి కి కూడా అవార్డులు లభించాయి. చిన్న సినిమా అయినప్పటికీ కూడా భారీ విజయాన్ని అందుకుందని చెప్పొచ్చు.