చిరంజీవి ఎప్పుడు కలిసిన ఆ విషయమే అడుగుతాను.. హరీష్ శంకర్..!
మెగాస్టార్ చిరంజీవిబ్, హరీష్ శంకర్ కాంబోలో సినిమా రాబోతుంది అని చాలా వార్తలు బయటకు వచ్చిన విషయం మన అందరికీ తెలిసిందే. ఇకపోతే ప్రస్తుతం చిరంజీవి "విశ్వంభర" అనే సినిమాలో హీరో గా నటిస్తున్నాడు. త్రిష ఈ మూవీ లో హీరోయిన్గా నటిస్తూ ఉండగా ... మల్లాడి వశిష్ట ఈ సినిమాకు దర్శకత్వం వహిస్తున్నాడు. ఈ మూవీ తర్వాత చిరంజీవి చేయబోయే మూవీ కి సంబంధించిన ఎలాంటి అధికారిక ప్రకటన రాలేదు. దానితో చిరంజీవి తన నెక్స్ట్ మూవీ ని హరీష్ శంకర్ దర్శకత్వంలో వహించబోతున్నాడు అని కూడా అనేక వార్తలు ఈ మధ్య కాలంలో వైరల్ అయ్యాయి. మరికొన్ని రోజుల్లోనే అందుకు సంబంధించిన అధికారిక ప్రకటన కూడా రాబోతుంది అని కూడా వార్తలు బయటకు వచ్చాయి.
ఇకపోతే కొన్ని సంవత్సరాల క్రితం పవన్ కళ్యాణ్ హీరోగా రూపొందిన గబ్బర్ సింగ్ మూవీ కి హరీష్ శంకర్ దర్శకత్వం వహించిన విషయం మనకు తెలిసిందే. ఈ మూవీ ఈ రోజు పవన్ కళ్యాణ్ పుట్టిన రోజు సందర్భంగా రీ రిలీజ్ అయింది. ఇక ఈ మూవీ రీ రిలీస్ సందర్భంగా పాత్రికేయులతో హరీష్ శంకర్ ముచ్చటించాడు. అందులో భాగంగా చిరంజీవి తో సినిమా చేసే అవకాశం ఏమైనా ఉందా అనే ప్రశ్న హరీష్ శంకర్ కి ఎదురయింది. దానితో ఆయన సమాధానం ఇస్తూ కచ్చితంగా మెగాస్టార్ తో సినిమా చేయాలి అని ఉంటుంది. ఎప్పుడు ఆయనను కలిసిన కూడా మీతో అలాంటి సినిమా చేయాలి , ఇలాంటి సినిమా చేయాలి అని మాట్లాడుతూ ఉంటాను.
ఆయన కూడా నేను చెప్పిన పాయింట్స్ అన్ని వింటూ ఉంటాడు అని హరీష్ శంకర్ తాజాగా చెప్పుకొచ్చాడు. ఇకపోతే హరీష్ శంకర్ తాజాగా మాస్ మహారాజా రవితేజ హీరోగా భాగ్య శ్రీ బోర్స్ హీరోయిన్ గా రూపొందిన మిస్టర్ బచ్చన్ అనే మూవీ కి దర్శకత్వం వహించాడు. భారీ అంచనాల నడుమ ఆగస్టు 15 వ తేదీన విడుదల అయిన ఈ సినిమా బాక్స్ ఆఫీస్ దగ్గర ప్రేక్షకులను తీవ్ర నిరుత్సాహ పరిచింది.