అదిరిపోయేలా టాలీవుడ్ హీరో వెడ్డింగ్ మెమోరీస్
టాలీవుడ్ కుర్ర హీరోల్లో కిరణ్ అబ్బవరం కూడా ఒకరు. ఈ మధ్యనే ఆయన బ్యాచిలర్ లైఫ్‌కి గుడ్ బై చెప్పి మ్యారేజ్ లైఫ్‌లోకి అడుగు పెట్టాడు. ఇండస్ట్రీలోకి అడుగుపెడుతూనే తన తొలి చిత్రాన్ని హీరోయిన్ రహస్య గోరఖ్ చేశారు. ఇప్పుడు ఆమెతోనే ఏడడుగులు వేశారు. రాజావారు రాణిగారు మూవీలో సందడి చేసిన ఈ జంట నిజజీవితంలో ఒక్కటవుతారని ఎవ్వరూ ఊహించలేదు. కానీ ఆ మూవీలోనే వీరిద్దరూ ప్రేమలో పడ్డారట. అప్పటి నుంచి ఒకరంటే మరొకరు ఇష్టపడుతున్నా బయటకు మాత్రం ఆ విషయాన్ని రివీల్ చేయలేదు. ఐదు సంవత్సరాల పాటు వీరి ప్రేమ సీక్రెట్ గానే సాగింది.
నిశ్చితార్థం అయిన తర్వాతే తమ ప్రేమ విషయాన్ని బయటపెట్టాడు కిరణ్ అబ్బవరం. ఇద్దరూ తమ పెద్దలను ఒప్పించి మరీ మ్యారేజ్ చేసుకున్నారు. ఆగస్టు 22వ తేదీన కర్ణాటకలోని కూర్గ్‌లో కిరణ్, రహస్యల పెళ్లి జరిగింది. కర్ణాటకలోని ఓ రిసార్ట్‌లో జరిగిన వీరి పెళ్లికి కొద్ది మంది సినిమా సెలబ్రిటీలు మాత్రమే హాజరయ్యారు. పెళ్లి తర్వాత కిరణ్, రహస్యలు ఒక్కటైనట్లుగా సోషల్ మీడియాలో చాలా ఫోటోలను షేర్ చేశారు. ఆ ఫోటోలు కాస్తా నెట్టింగ తెగ వైరల్ అయ్యాయి.