కాంతార కోసం ఏ హీరో చేయని పని చేస్తున్న రిషబ్..!?
కాంతార’ చిత్రానికిగాను ఇటీవలే జాతీయ ఉత్తమ నటుడు పురస్కారానికి ఎంపికయ్యారు కన్నడ అగ్ర హీరో రిషబ్‌శెట్టి. ‘కాంతార’ చిత్రం పాన్‌ ఇండియా స్థాయిలో 400 కోట్లకు పైగా వసూళ్లను సాధించి రికార్డు సృష్టించిన విషయం తెలిసిందే. ప్రస్తుతం ‘కాంతార’ సినిమా ప్రీక్వెల్‌ సన్నాహాల్లో ఉన్నారు రిషబ్‌శెట్టి. ‘కాంతార’ మొదటిభాగం ముందు జరిగిన కథతో ఈ ప్రీక్వెల్‌ తెరకెక్కనుంది. భారీ హంగులతో ఈ చిత్రాన్ని ప్లాన్‌ చేస్తున్నాడు రిషబ్. యుద్ధ ఘట్టాలు, దక్షిణ కన్నడ ఆధ్యాత్మిక, దైవిక అంశాలతో ఈ సినిమాను ఓ విజువల్‌ వండర్‌గా తీర్చిదిద్దాలనే సంకల్పంతో ఉన్నారు రిషబ్‌శెట్టి. ఈ నేపథ్యంలో రిషబ్ తన ఇన్‌స్టాగ్రామ్‌
ఖాతాలో ఓ ఆసక్తికరమైన ఫోటోను షేర్ చేశారు. ఇందులో ఆయన కత్తి, డాలు పట్టుకొని కసరత్తులు చేస్తూ కనిపిస్తున్నారు. ‘కాంతార’ ప్రీక్వెల్‌ సన్నాహాల్లో భాగంగా ఆయన యుద్ధవిద్యల్లో శిక్షణ తీసుకుంటున్నాడని చిత్రబృందం వెల్లడించింది. హోంబలే ఫిల్మ్స్ ఈ చిత్రాన్ని నిర్మిస్తున్నది. అయితే 'కాంతార ఏ లెజెండ్ చాప్టర్ 1' షెడ్యూల్ ఈ నెలాఖరు నుంచి స్టార్ట్ కానుంది. ఈ షెడ్యూల్ లో కత్తి యుద్దానికి రిలేటెడ్ సీన్స్ చిత్రీకరించాల్సి ఉంది. ఈ నేపథ్యంలో రిషబ్ శెట్టి కలరిపయట్టు విద్యను, గుర్రపు స్వారీ వంటి వాటిలో ప్రత్యేకంగా శిక్షణ తీసుకుంటున్నాడు. . కదంబ యుగంలో సాగే కథనంతో కాంతార ఏ లెజెండ్ చాప్టర్ – 1
రాబోతున్నారు తెలుస్తోంది. అతి త్వరలో ఈ చిత్ర షూటింగ్ ముగించి విఎఫెక్స్ కోసం ఆరు నెలల సమయం తీసుకుంటున్నారని టాక్‌. 2025 సమ్మర్‌లో విడుదల చేయాలనుకుంటున్నారట. కాంతార మొదటి భాగం నిర్మించిన హోంబలే ఫిల్మ్స్ రాబోతున్న ప్రిక్వెల్ ను నిర్మించనుండగా అజనీష్ లోకానాథ్ సంగీతం అందిస్తున్నాడు. ఇప్పటికే రిలీజైన పోస్టర్స్, ఈ సినిమాపై అంచనాలను మరింత పెంచాయి. మొత్తానికి రిషబ్ శెట్టి ఈ సినిమా కోసం భారీ ఎత్తున సాహసం చేస్తున్నాడు అని చెప్పాలి..!!