దూసుకుపోతున్న కల్కి.. నార్త్ ఇండియాలో అదనపు స్క్రీన్స్?
భారీ బడ్జెట్ పాన్ వరల్డ్ సినిమా కల్కి 2898ఏడీ సినిమా నిన్న గ్రాండ్ గా విడుదల అయ్యి బాక్సాఫీస్ వద్ద భారీ వసూళ్లు నమోదు చేస్తూ ప్రభాస్ కి బిగ్గెస్ట్ కం బ్యాక్ హిట్ ఇచ్చింది.ఈ మూవీ ఊహించని స్థాయిలో ప్రేక్షకాదరణ సొంతం చేసుకుంది. రిలీజ్ అయిన మొదటి ఆట నుంచి మూవీకి పాజిటివ్ టాక్ వచ్చింది.విడుదలకి ముందు ఈ సినిమాకి చెప్పుకోదగ్గ స్థాయిలో ప్రమోషన్స్ చేయకపోయిన ట్రైలర్ చూసాకా ఊహించని స్థాయిలో హైప్ అయితే క్రియేట్ అయ్యింది. అందువల్ల ఈ సినిమాకి భారీగా అడ్వాన్స్ బుకింగ్స్ జరిగాయి. మొదటి మూడు రోజులకి చాలా చోట్ల థియేటర్స్ అన్ని కూడా హౌస్ ఫుల్ అయిపోయాయి. రెండు ట్రైలర్స్ తోనే ఈ సినిమా ఎంత అద్భుతంగా ఉండబోతుందనేది డైరెక్టర్ నాగ్ అశ్విన్ ఆడియన్స్ కి చూపించాడు. దీంతో కల్కి సినిమా చూడాలనే ఇంటరెస్ట్ అందరిలో పెరిగింది.. మొత్తానికి బ్లాక్ బస్టర్ టాక్ తో ఫస్ట్ రోజు 191.5 కోట్ల గ్రాస్ వసూళ్లు సాధించింది ఈ సినిమా.
నాగ్ అశ్విన్ డైరెక్ట్ చేసిన ఈ సినిమాని సీనియర్ నిర్మాత అశ్వినిదత్ ఏకంగా 600 కోట్ల బడ్జెట్ తో నిర్మించారు. అమితాబ్ బచ్చన్, కమల్ హాసన్, దీపికా పడుకొనే, దిశా పటాని, మృనాల్ టాకూర్ ఈ సినిమాలో కీలక పాత్రల్లో నటించారు. యంగ్ రెబల్ స్టార్ ప్రభాస్ ఈ చిత్రంలో భైరవ పాత్రలో సూపర్ హీరోగా నటించాడు. ఇక దీపికా పదుకునే కల్కికి జన్మనివ్వబోయే సుమతిగా నటించింది. మూడు గంటల నిడివి ఉన్న కూడా అదిరిపోయే విజువల్స్ తో ప్రేక్షకులని ఈ చిత్రం కట్టిపడేస్తోంది. కచ్చితంగా ఈ ఏడాది ఇండియన్ బాక్సాఫీస్ నుంచి వచ్చే బిగ్గెస్ట్ బ్లాక్ బస్టర్ గా కల్కి నిలుస్తుందని అనడంలో ఏమాత్రం సందేహం లేదు. ఈ సినిమా విజువల్స్ నుంచి యాక్షన్ ఎపిసోడ్స్, స్టోరీ అంతా ఎంతగానో ఆకట్టుకుంటున్నాయి. ఈ సినిమా ఉత్తర భారతదేశంలో కూడా భారీ స్థాయిలో విడుదలైంది. దాదాపు 70% ఆక్యుపెన్సీతో ఓపెన్ అయ్యింది.అయితే తాజాగా ఇప్పుడు సినిమా డిస్ట్రిబ్యూటర్స్ కల్కికి వస్తున్న టాక్ చూసి ఉత్తర భారతదేశంలోని అనేక ప్రాంతాలలో మరికొన్ని స్క్రీన్లను పెంచినట్లు సమాచారం తెలుస్తుంది. ఇక రాబోయే రోజుల్లో దేశంలోని ఇతర రాష్ట్రాల్లో కల్కి 2898 AD యొక్క ఆక్యుపెన్సీ ఖచ్చితంగా పెరుగుతుంది అని భావిస్తున్నారు.