అఖండ 2 : బాలయ్య మూవీ కోసం బోయపాటి భారీ ప్లాన్..
నందమూరి నటసింహం బాలకృష్ణ గత ఏడాది "భగవంత్ కేసరి" సినిమాతో ప్రేక్షకుల ముందుకు వచ్చాడు.యంగ్ డైరెక్టర్ అనిల్ రావిపూడి తెరకెక్కించిన ఈ సినిమా బిగ్గెస్ట్ హిట్ అందుకుంది.ఈ సినిమా బాలయ్య కెరీర్ లో బిగ్గెస్ట్ హిట్ గా నిలిచింది .ప్రస్తుతం బాలయ్య యంగ్ డైరెక్టర్ బాబీ డైరెక్షన్ లో ఓ సినిమా చేస్తున్నాడు .ఈ సినిమా "NBK109 "అనే వర్కింగ్ టైటిల్ తో తెరకెక్కుతుంది.ఈ సినిమా నుండి ఇప్పటికే రిలీజ్ అయినా పోస్టర్స్ ,గ్లింప్సె ప్రేక్షకులను ఎంతగానో ఆకట్టుకున్నాయి.రీసెంట్ గా బాలయ్య బర్త్ డే సందర్భంగా చిత్ర యూనిట్ మరో గ్లింప్సె రిలీజ్ చేయగా ఆ గ్లింప్సె కూడా ప్రేక్షకులకి తెగ నచ్చింది.ఇదిలా ఉంటే తన పుట్టినరోజున బాలయ్య మరోసినిమా అనౌన్స్ చేసాడు.బాలయ్య తన ఫేవరేట్ డైరెక్టర్ బోయపాటి డైరెక్షన్ లో నాలుగో సినిమాను అనౌన్స్ చేసారు.BB4 అనే వర్కింగ్ టైటిల్ తో పోస్టర్ రిలీజ్ చేయగా ఈ పోస్టర్ బాగా వైరల్ అయింది.అయితే బాలయ్య ,బోయపాటి కాంబినేషన్ అంటే ప్రేక్షకులలో ఎంతటి క్రేజ్ ఉంటుందో ప్రత్యేకంగా చెప్పాల్సిన పని లేదు.
వీరిద్దరి కాంబినేషన్ లో వచ్చిన మొదటి సినిమా "సింహా" మూవీ బ్లాక్ బస్టర్ హిట్ గా నిలిచింది.ఈ సినిమాతో అప్పటి వరకు ఫ్లాప్స్ తో ఇబ్బంది పడుతున్న బాలయ్యకు బ్లాక్ బస్టర్ హిట్ లభించింది. దీనితో బోయపాటి బాలయ్య ఫేవరెట్ డైరెక్టర్ గా మారారు.బాలయ్యతో బోయపాటి తెరకెక్కించిన రెండో సినిమా లెజెండ్ కూడా అద్భుత విజయం సాధించింది దీనితో వీరిద్దరిది బ్లాక్ బస్టర్ కాంబినేషన్ గా పేరొచ్చింది.బాలయ్య బోయపాటి కాంబినేషన్ లో వచ్చిన మూడో మూవీ అఖండ.. ఈ సినిమాలో బాలయ్య అఘోర పాత్రలో అద్భుతంగా నటించారు.ఈ సినిమా కూడా అఖండ విజయం సాధించింది.దీనితో బాలయ్య ,బోయపాటి కాంబోలో మూవీ వస్తుందంటే ఫ్యాన్స్ లో క్రేజ్ మాములుగా ఉండదు.తాజాగా అనౌన్స్ చేసిన బాలయ్య బోయపాటి కాంబినేషన్ లో నాలుగో సినిమా BB4 అఖండ సినిమాకు సీక్వెల్ గా తెరకెక్కిస్తున్నారని సమాచారం.ఈ సినిమాను భారీగా పాన్ ఇండియా స్థాయిలో తెరకెక్కిస్తున్నారు.ఈ సినిమాను మేకర్స్ ఏకంగా 150 కోట్ల భారీ బడ్జెట్ తో తెరకెక్కిస్తున్నారని సమాచారం.ఈ సినిమాలో అఖండ కంటే ఎక్కువగా డివోషనల్ కంటెంట్ ఉండనున్నట్లు సమాచారం.