అఫీసియల్ : 'ప్రేమలు' ఓటీటీ స్ట్రీమింగ్ డేట్ ఫిక్స్.. స్ట్రీమింగ్ ఎక్కడంటే..?
మలయాళం బ్లాక్ బస్టర్ ‘ప్రేమలు’ మూవీ గురించి ప్రత్యేకంగా చెప్పాల్సిన పని లేదు.. ప్రేమలు సినిమా ఫిబ్రవరి 9వ తేదీన మలయాళం లో థియేటర్లలో విడుదల అయింది. కేవలం 5కోట్ల లోపు బడ్జెట్‍తో రూపొందిన ఈ చిత్రం ఎవరూ ఊహించిన విధంగా భారీస్థాయిలో కలెక్షన్లు రాబట్టింది. ఈ సినిమా ఇప్పటి వరకు ఏకంగా రూ.135 కోట్ల గ్రాస్ కలెక్షన్లు సాధించి రికార్డు క్రియేట్ చేసింది.. మలయాళంలో బ్లాక్ బస్టర్ టాక్ రావడంతో ప్రేమలు సినిమాను తెలుగులో స్టార్ డైరెక్టర్ ఎస్ఎస్ రాజమౌళి కుమారుడు కార్తికేయ ఈ చిత్రానికి బాగా ప్రమోషన్లను నిర్వహించి మార్చి 8న తెలుగులో థియేటర్లలో రిలీజ్ చేశారు.
హైదరాబాద్ బ్యాక్‍డ్రాప్‍ లో తెరకెక్కిన ఈ క్రేజీ మూవీ తెలుగు వెర్షన్‍లో కూడా భారీ కలెక్షన్లు దక్కించుకుంది. తెలుగులో రూ.15కోట్లకు పైగా వసూళ్లను సాధించింది. కామెడీతో సరదాగా సాగే లవ్ స్టోరీతో ప్రేమలు మూవీ తెరకెక్కింది. ఈ మూవీకి గిరీశ్ ఏడీ దర్శకత్వం వహించారు. సచిన్ సంతోష్‍ పాత్రలో నెస్లన్ కే గఫూర్ మరియు రేణు రాయ్ క్యారెక్టర్లో మమితా బైజూ ఈ చిత్రంలో మెప్పించారు. ముఖ్యంగా ఈ సినిమాతో మమితా ఎంతో పాపులర్ అయ్యారు. ఆమె యాక్టింగ్, క్యూట్‍నెస్ ప్రేక్షకులకు ఫిదా అయ్యారు.
ప్రేమలు మూవీలో సంగీత్ ప్రతాప్, శ్యాం మోహన్, అఖిల భార్గవన్, మాథ్యూ థామస్ మరియు మీనాక్షి రవీంద్రన్ కీలకపాత్రలు పోషించారు. ఈ చిత్రానికి విష్ణు విజయ్ సంగీతం అందించారు.ఇదిలా ఉంటే 'ప్రేమలు' ఓటీటీ స్ట్రీమింగ్ కోసం ప్రేక్షకులు ఎంతగానో ఎదురుచూస్తున్నారు.ఈ మలయాళ లవ్ రొమాంటిక్ కామెడీ మూవీకి ఇప్పుడు ఎట్టకేలకు ఈ మూవీ స్ట్రీమింగ్ డేట్ ఖరారైంది. ప్రేమలు సినిమా స్ట్రీమింగ్‍పై డిస్నీ+ హాట్‍స్టార్ ఓటీటీ ప్లాట్‍ఫామ్ అధికారిక ప్రకటన చేసింది. ఈ సినిమాను ఏప్రిల్ 12వ తేదీన స్ట్రీమింగ్‍కు తీసుకురానున్నట్టు వెల్లడించింది. ఈ విషయంపై నేడు (ఏప్రిల్ 2) అధికారిక ప్రకటన చేసింది. "ఈ లవ్ స్టోరీ వైరల్ అయింది. డిస్నీ+ హాట్‍స్టార్‌లో ఏప్రిల్ 12 నుంచి ప్రేమలు స్ట్రీమింగ్" అని సోషల్ మీడియాలో పోస్ట్ చేసింది.అయితే, హాట్‍స్టార్ ఓటీటీలో ప్రేమలు చిత్రం మలయాళంలో మాత్రమే స్ట్రీమింగ్‍కు రానున్నట్టు సమాచారం.ఇతర భాషల వెర్షన్‍ల గురించి హాట్‍స్టార్ వెల్లడించలేదు.