ఆ కారణంతో "పుష్ప 2" లేటెస్ట్ షెడ్యూల్ రద్దు..!
ఐకాన్ స్టార్ అల్లు అర్జున్ హీరో గా నేషనల్ క్రష్ రష్మిక మందన హీరోయిన్ గా సుకుమార్ దర్శకత్వంలో ప్రస్తుతం "పుష్ప పార్ట్ 2" మూవీ తెరకెక్కుతున్న విషయం మన అందరికీ తెలిసిందే. ఈ మూవీ లో మలయాళ ఇండస్ట్రీ లో అద్భుతమైన క్రేజ్ కలిగిన నటులలో ఒకరు అయినటువంటి ఫాహాద్ ఫాజిల్ విలన్ పాత్రలో కనిపించనుండగా ... సునీల్ , అనసూయ , రావు రమేష్ ఈ సినిమాలో ముఖ్య పాత్రలలో కనిపించబోతున్నారు. రాక్ స్టార్ దేవి శ్రీ ప్రసాద్ ఈ సినిమాకు సంగీతం అందిస్తూ ఉండగా ... మైత్రి సంస్థ వారు ఈ సినిమాను అత్యంత భారీ బడ్జెట్ తో ఎంతో ప్రతిష్టాత్మకంగా నిర్మిస్తున్నారు.
ఇకపోతే ఈ సినిమాను ఈ సంవత్సరం ఆగస్టు 15 వ తేదీన తెలుగు , తమిళ , కన్నడ , మలయాళ , హిందీ భాషలలో విడుదల చేయనున్నట్లు చాలా రోజుల క్రితమే ఈ మూవీ బృందం అధికారికంగా ప్రకటించిన విషయం మన అందరికీ తెలిసిందే. ఈ సినిమా విడుదల తేదీ దగ్గర పడుతున్న నేపథ్యంలో ఈ మూవీ బృందం వారు ఈ సినిమాకు సంబంధించిన చిత్ర షూటింగ్ ను చాలా స్పీడ్ గా పూర్తి చేస్తూ వస్తున్నారు.
ఇకపోతే ఈ మూవీ బృందం వారు తాజాగా ఈ సినిమా యొక్క షెడ్యూల్ ను వైజాగ్ లో ఫిక్స్ చేసుకుంది. అందులో భాగంగా యూనిట్ అంతా కూడా వైజాగ్ వెళ్లిన తర్వాత అల్లు అర్జున్ కు తీవ్ర జ్వరం రావడంతో వెంటనే ఈ మూవీ బృందం వైజాగ్ షెడ్యూల్ ను క్యాన్సల్ చేసినట్లు తెలుస్తోంది. ఇకపోతే ప్రస్తుతం ఈ మూవీ బృందం వారు హైదరాబాదు లోని తాహిర్ స్టూడియోలో ఈ మూవీ కి సంబంధించిన షూటింగ్ ను చిత్రీకరిస్తున్నారు. ఇది ఇలా ఉంటే ఇప్పటికే ఈ మూవీ మొదటి భాగం మంచి విజయం సాధించడంతో ఈ మూవీ రెండవ భాగం పై ప్రేక్షకులు భారీ అంచనాలు పెట్టుకున్నారు.