విజయ్ ని పాలిటిక్స్ లోకి రావాలని ప్రోత్సహించింది నేనే - కమల్ హాసన్
తాజాగా ఓ ఇంటర్వ్యూలో పాల్గొన్న కమల్ హాసన్ ని విజయ్ పొలిటికల్ ఎంట్రీ గురించి ఓ ప్రశ్న ఎదురయింది. ఇందుకు కమల్ బదులిస్తూ.." విజయ్ కి శుభాకాంక్షలు.. అతను పాలిటిక్స్ లోకి రావాలని ఎంకరేజ్ చేసిన వారిలో నేను ఒకడిని. మేము వీటి గురించి డిస్కస్ కూడా చేసుకున్నాం. ఓ రంగంలో కొనసాగాలంటే మరో రంగాన్ని విడిచి పెట్టాలని లేదు. రాజకీయాలా? సినిమాలా? అన్నది విజయ్ వ్యక్తిగత అభిప్రాయం. అతను చేసే సినిమాలు విభిన్నంగా ఉంటాయి. నన్ను అలా చేయమంటే ఎలా? అద్భుతమైన పాటలు రాసే ఓ రచయితలా మీరు పాట రాయండి అంటే అది సాధ్యం కాదు. కాబట్టి ఎవరి సామర్థ్యం వారిది. నేనైతే రాజకీయాల్లో ఉంటూనే సినిమాలు కూడా చేస్తాను" అంటూ చెప్పుకొచ్చారు.
'విక్రమ్' సినిమాతో ఇండస్ట్రీ హిట్ అందుకున్న కమల్ హాసన్ ప్రస్తుతం వరుస సినిమాలతో బిజీగా ఉన్నాడు. 'ఇండియన్ 2', 'థగ్ లైఫ్', KH237 వంటి సినిమాలతో పాటు పాన్ ఇండియా హీరో ప్రభాస్ 'కల్కి2898AD' లో విలన్ గా కనిపించనున్నాడు. హీరో గానే కాకుండా నిర్మాత గానూ బ్యాక్ టు బ్యాక్ మూవీస్ నిర్మిస్తున్నారు. తన సొంత బ్యానర్ రాజ్ కమల్ ఫిలిమ్స్ ఇంటర్నేషనల్ సంస్థలో ఇప్పటికే శివ కార్తికేయన్ హీరోగా 'అమరన్' సినిమా రూపొందుతోంది. దీంతోపాటు శింబుతో మరో సినిమాను నిర్మిస్తున్నారు.