ఓటీటీ లో విడుదల కు సిద్ధం అవుతున్న గోపీచంద్ మూవీ....!!
టాలీవుడ్ హీరో గోపీచంద్ ఇటీవల నటించిన లేటెస్ట్ మూవీ రామబాణం. ఈ మూవీ సమ్మర్ లో ప్రేక్షకుల ముందుకు వచ్చిన విషయం తెలిసిందే. ఎంతో గ్రాండ్ గా విడుదల అయిన ఈ సినిమా డిజాస్టర్ గా నిలిచింది.ఈ సినిమాను శ్రీవాస్ తెరకెక్కించారు.. శ్రీవాస్ – గోపీచంద్ కాంబినేషన్లో గతంలో లక్ష్యం, లౌక్యం సినిమాలు వచ్చి హిట్ గా నిలిచాయి. దీనితో రామబాణం ఈ సినిమాతో హ్యాట్రిక్ హిట్ సాధిస్తారని అంతా భావించారు. దీంతో ఈ సినిమాపై కూడా భారీ గా అంచనాలు పెరిగాయి..ఈ సినిమాలో డింపుల్ హయతి గోపీచంద్ సరసన హీరోయిన్ గా నటించింది. అలాగే జగపతి బాబు మరియు ఖుష్బూ సినిమాలో ముఖ్య పాత్రలు పోషించారు.ఈ సినిమా భారీ అంచనాలతో మే 5న థియేటర్స్ లోకి వచ్చింది. అయితే రామబాణం సినిమా ప్రేక్షకులని అంతగా మెప్పించలేకపోయింది. అయితే ప్రస్తుతం సూపర్ హిట్ అయిన సినిమాలు కూడా నెల రోజుల్లో ఓటీటీలో స్ట్రీమ్ అవుతున్నాయి.అదే ఫ్లాప్ సినిమాలు అయితే మాత్రం ఏకంగా రెండు వారాల్లోనే ఓటీటీ లో విడుదల అవుతున్నాయి.. వేసవిలో విడుదల అయిన రామబాణం సినిమా ఇంకా ఓటీటీలోకి రాలేదు. ఈ సినిమా ఎప్పుడు ఓటీటీ లోకి వస్తుందా అని గోపీచంద్ ఫ్యాన్స్ ఎదురు చూసారు.
తాజాగా రామబాణం సినిమా ఓటీటీ స్ట్రీమింగ్ డేట్ ఫిక్స్ అయింది. సెప్టెంబర్ 14 నుంచి రామబాణం సినిమా తెలుగుతో పాటు తమిళ్, మలయాళం, కన్నడ భాషల్లో నెట్‌ఫ్లిక్స్లో స్ట్రీమ్ కానుంది.. దీనితో గోపీచంద్ ఫ్యాన్స్ ఈ సినిమా కోసం ఆసక్తిగా ఎదురు చూస్తున్నారు.హీరో గోపిచంద్ నుంచి ఫుల్ యాక్షన్ మోడ్ మూవీ కోరుకుంటున్న ప్రేక్షకులకు రామబాణం వంటి ఫ్యామిలీ సినిమా అంతగా ఎక్కలేదు. దీనితో త్వరలోనే గోపీచంద్ ఫుల్ యాక్షన్ తో కూడిన చిత్రంతో ప్రేకక్షకుల ముందుకు రానున్నాడు.గోపి చంద్ రాధా మోహన్ దర్శకత్వంలో భీమా అనే ఫుల్ యాక్షన్ మూవీని చేస్తున్నాడు. అలాగే దర్శకుడు శ్రీను వైట్ల తో మరో మూవీ కమిట్ అయినట్లు వార్తలు వస్తున్నాయి.