వారం దాటినా బాక్స్ ఆఫీస్ దుమ్ము దులిపేస్తున్న జైలర్?
తమిళ సీనియర్ స్టార్ హీరో సూపర్ స్టార్ రజినీకాంత్ తాజా చిత్రం జైలర్ వరల్డ్ వైడ్ గా అదిరిపోయే వసూళ్ళని నమోదు చేస్తూ సునామీ సృష్టిస్తుంది. వీకెండ్ ముగిసినా కూడా జైలర్ జోరు మాత్రం ఏమాత్రం తగ్గలేదు.8వ రోజు కూడా ఈ సినిమా అదే ఊపుని కొనసాగించింది. ఇక తెలుగు రాష్ట్రాల్లో గురువారం నాడు జైలర్ ఏకంగా రూ. 1.6 కోట్ల షేర్ వసూలు చేసింది. ఈ సినిమా నైజాం హక్కులు కేవలం రూ. 4 కోట్లకు అమ్మారు. 8 రోజులకు జైలర్ మూవీ ఏకంగా రూ. 15.4 కోట్ల షేర్ రాబట్టింది. అంటే కొన్న దానికి ఏకంగా ఈ సినిమా నాలుగు రెట్లు అధికంగా వసూలు చేసింది. ఇక వరల్డ్ వైడ్ గా మొత్తం రూ. 9 కోట్ల షేర్ వసూలు చేసింది. ఎనిమిది రోజులకు గానూ రూ. 217 కోట్ల షేర్, ప్రపంచవ్యాప్తంగా 375.40 కోట్ల గ్రాస్ ను రాబట్టినట్టుగా వెల్లడిస్తూ పోస్టర్ ను రిలీజ్ చేశారు. త్వరలోనే ఈ సినిమా 400 కోట్ల మార్కును టచ్ చేసే అవకాశాలు ఉన్నాయి.అన్ని ఏరియాల్లో కూడా బ్రేక్ ఈవెన్ పూర్తి చేసిన జైలర్ లాభాలు పంచుతుంది.
తెలుగులో చాలా తక్కువ ధరకు జైలర్ హక్కులు అమ్మగా దాంతో వారు భారీ లాభాలు అందుకుంటూ ఎంజాయ్ చేస్తున్నారు.జైలర్ మూవీ ప్రీ రిలీజ్ బిజినెస్ పరిశీలిస్తే… తమినాడులో రూ. 62 కోట్లు, ఏపీ/తెలంగాణాలలో రూ. 12 కోట్లు, కర్ణాటకలో రూ. 10 కోట్లు, రెస్టాఫ్ ఇండియా రూ. 3 కోట్లు ఇంకా ఓవర్సీస్ రూ. 30 కోట్లతో వరల్డ్ వైడ్ రూ. 122.50 కోట్ల బిజినెస్ ఈ సినిమా చేసింది. 8 రోజులకు జైలర్ అంతకు అంత వసూళ్లని సాధించింది.ఈ సినిమా పెట్టుబడికి వంద శాతం లాభాలు బయ్యర్లు పొందారు.జైలర్ చిత్రానికి యంగ్ డైరెక్టర్ నెల్సన్ దిలీప్ కుమార్ దర్శకుడు కాగా సన్ పిక్చర్స్ నిర్మించింది. యంగ్ మ్యూజిక్ డైరెక్టర్ అనిరుధ్ సంగీతం అందించారు. అనిరుధ్ మ్యూజిక్ సినిమా విజయంలో చాలా మంచి పాత్ర పోషించింది. మోహన్ లాల్, శివరాజ్ కుమార్ ల గెస్ట్ రోల్స్ చాలా హైలెట్ గా నిలిచాయి. ఇక హాట్ బ్యూటీ తమన్నా సాంగ్ నువ్వు కావాలయ్యా ఎంత పాపులర్ అయ్యిందో తెలిసిందే.మొత్తంగా సూపర్ స్టార్ రజినీకాంత్ చాలా కాలం తర్వాత బాక్సాఫీస్ దుమ్ముదులిపాడు.