దేవిశ్రీ ని పొగడ్తలతో ముంచెత్తిన థమన్...!!
టాలీవుడ్ లో ట్రేండింగ్ లో ఉన్న మ్యూజిక్ డైరెక్టర్స్ ఎవరు అంటే టక్కున చెప్పే పేరు దేవీ శ్రీ ప్రసాద్ తమన్ ఇద్దరు ఇద్దరే ఎవరికీ వారే సాటి అని చెప్పవచ్చు.
అదిరిపోయే మ్యూజిక్.దద్దరిల్లే బీజీఎమ్ లతో సినిమా రేంజ్ నే పెంచేస్తారు ఈ ఇద్దరు కూడా.దేవీ శ్రీ ప్రసాద్ , తమన్ సంగీతం అందించిన సినిమాలు చాలా వరకు భారీ మ్యూజికల్ హిట్స్ గా నిలిచాయి. ఇటీవల తమన్ జోరు బాగా పెంచారు. వరుస సినిమాలతో ఫుల్ బిజీగా ఉన్నాడు. అటు దేవీ కూడా సెలక్టవీవ్ గా సినిమాలు చేస్తూ బాగా అలరిస్తున్నారు. అయితే ఈ ఇద్దరు మధ్య మంచి స్నేహం ఉందన్న విషయం ప్రత్యేకించి చెప్పాల్సిన అవసరం అయితే లేదు. మ్యూజిక్ విషయంలో పోటీ పడినా ఈ వీరిద్దరూ బయట మంచి స్నేహితులు. ఇటీవల యంగ్ టైగర్ ఎన్టీఆర్ హోస్ట్ గా వ్యవహరించిన ఎవరు మీలో కోటీశ్వరులు ప్రోగ్రాంలో ఇద్దరు పాల్గొని ఎంతో సందడి చేశారు.
తాజాగా ప్రముఖ ఓటీటీ సంస్థ ఆహాలో స్ట్రీమింగ్ అవుతున్న తెలుగు ఇండియన్ ఐడల్ కార్యక్రమానికి తమన్ జడ్జ్ గా వ్యవహరిస్తున్న సంగతి తెల్సిందే.. తాజాగా జరిగిన ఎపిసోడ్ లో ఓ సింగర్ దేవీ శ్రీ ప్రసాద్ కంపోజ్ చేసిన పాటలను షోలో ఆలపించారు. ఆ పాటపై కామెంట్ చేస్తూ తమన్ దేవీ శ్రీ పై ప్రశంసలు కురిపించారట.ఆయన ఒక కొరియోగ్రాఫర్ గా డాన్సర్ గా మ్యుజీషన్ గా దేవీలో చాలా టాలెంట్ ఉంది అని తమన్ అన్నారట.. ఆయనకు ఒక పాటను ఎలా కొరియోగ్రాఫ్ చేయాలో కూడా బాగా తెలుసు అన్నారు. పాటను ఎక్కడ మొదలుపెట్టాలో ఎక్కడ ఆపాలో కూడా ఆయనకు బాగా తెలుసు అని అన్నారు. దీని పై దేవీ తిరిగి ట్వీట్ కూడా చేశారు. థాంక్యూ డార్లింగ్ బ్రదర్.. సో స్వీట్ ఆఫ్ యూ అంటూ ట్వీట్ చేశారట దేవీ. ఇలా ఒకరి పై ఒకరు ప్రేమ చూపించుకోవడంతో నెటిజన్లు సంతోషం వ్యక్తం చేస్తున్నారు. ప్రస్తుతం దేవీ చేతిలో పుష్ప 2తో పాటు మరి కొన్ని సినిమాలు కూడా ఉన్నాయి. అలాగే తమన్ చేతితో ఏడూ ఎనిమిది వరకు సినిమాలు ఉన్నాయని తెలుస్తుంది.