ఆర్ఆర్ఆర్ : అబ్బే.. ఆడంత సీన్ ఏమీలేదుగా!
తమిళనాడులో ఆర్ ఆర్ ఆర్ వేగంగా కనిపించలేదు. పక్కా స్వభాష ప్రియులు కాబట్టి బేసిక్ గానే తెలుగు సినిమాలకు అక్కడ క్రేజ్ మొదటి నుంచి అంతగా లేదు. భాషా బేధం అక్కడ ప్రధాన పాత్ర పోషిస్తుంది అన్నది నిజమని మరోసారి తేటతెల్లమలైంది. `బాహుబలి-2` సినిమా రిలీజ్ సమయంలోనూ ఇదే సీన్ కనిపించింది. అయితే కేరళ రాష్ర్టంలో పరిస్థితి తమిళనాడు కన్నా మరింత నెమ్మదించినట్లు సమాచారం తెలుస్తోంది. సినిమాకి అడ్వాన్స్ బుకింగ్స్ చాలా డల్ గా ఉన్నాయని సమాచారం తెలుస్తుంది.ఈ సినిమా కేరళ థియేట్రికల్ రైట్స్ విలువ వచ్చేసి 10 కోట్లు. లాభాల జోన్ లోకి రావాలంటే ఖచ్చితంగా 12 కోట్లకు పైగా వసూళ్లను రాబట్టాల్సి ఉంది. కానీ పరిస్థితి మాత్రం అనుకూలించట్లేదని చెప్పాలి. 10 కోట్ల పెట్టుబడి రాబట్టడం అక్కడ అంత సులభం కాదేమో అనిపిస్తుంది. సినిమా విడుదల అయి మొదటి షోతోనే బ్లాక్ బస్టర్ టాక్ రావాలి. మౌత్ టాక్ తో సినిమా రాష్ర్ట వ్యాప్తంగా కూడా బాగా ఫేమస్ అవ్వాలి. అప్పుడే అక్కడ బ్రేక్ ఈవెన్ కి ఛాన్స్ ఉంటుంది.యస్ యస్ రాజమౌళి తెరకెక్కించిన గత చిత్రం `బాహుబలి` కేరళలో పెద్ద సక్సెస్ అయింది.
అక్కడా `బాహుబలి` సినిమా మంచి వసూళ్లని రాబట్టింది. కానీ `ఆర్ ఆర్ ఆర్` సినిమా విషయంలో బాహుబలి ఇమేజ్ ఇంకా జక్కన్న మార్క్ అక్కడా వర్కౌట్ అవుతున్నట్లు కనిపించలేదు.అయితే `ఆర్ ఆర్ ఆర్`సినిమా అక్కడా ఫ్రీ జోన్ లోనే రిలీజ్ అవుతుంది. రెండు వారాల పాటు `ఆర్ ఆర్ ఆర్` సినిమాకి స్థానిక సినిమాల నుంచి ఎలాంటి పోటీ అనేది లేదు. కాబట్టి సినిమాకి పాజిటివ్ టాక్ కనుక వస్తే కేరళలోనూ `ఆర్ ఆర్ ఆర్` సినిమాకి తిరుగుండదు అన్న టాక్ వినిపిస్తోంది.ఈమధ్యే హిందీలో ఎలాంటి అంచనాలు లేకుండా రిలీజ్ అయిన `పుష్ప` పెద్ద సక్సెస్ అయిన సంగతి తెలిసిందే. అక్కడ అనూహ్యమైన వసూళ్లతో హిందీ బాక్సాఫీస్ నే షేక్ చేసింది పుష్ప. కేరళలో `ఆర్ ఆర్ ఆర్` సినిమా కూడా అదే సన్నివేశం రిపీట్ చేస్తుందన్న నమ్మకం మేకర్స్ లో స్పష్టంగా కనిపిస్తుంది. ఆ కాన్ఫిడెన్స్ తోనే 10 కోట్లకు సినిమాని అమ్మినట్లు టాక్ వినిపిస్తోంది.