తనపై వచ్చిన ఆ మీమ్ చూసి తెగ ఎంజాయ్ చేసిన బాలయ్య...!
నట సింహం బాలకృష్ణలోని మరో యాంగిల్ ను పరిచయం చేసింది ‘అన్‌స్టాపబుల్‌ విత్ ఎన్‌బీకే’. తొలి తెలుగు ఓటీటీ ‘ఆహా’ వేదికగా ప్రసారమైన ఈ టాక్‌ షో అందరి దృష్టిని కూడా బాగా ఆకర్షించింది.
ఓటీటీ వేదికగా అత్యంత ప్రజాదరణ పొందిన టాక్‌ షోగా గొప్ప రికార్డు సాధించింది. మహేష్‌ బాబుతో జరిగిన ఎపిసోడ్‌తో అన్‌స్టాపబుల్‌ తొలి సీజన్‌ ముగిసిన సంగతి అందరికి తెలిసిందే. అయితే త్వరలోనే సెకండ్‌ సీజన్‌ను ప్రారంభించేందుకు నిర్వాహకులు సిద్ధమవుతున్నారని సమాచారం జూలై నుంచి సెకండ్‌ సీజన్‌ ప్రారంభమయ్యే అవకాశాలు ఉన్నాయని సమాచారం. ఇదిలా ఉంటే తాజాగా ఆహా బాలకృష్ణను రాపిడ్‌ ఫైర్‌లా అడిగిన కొన్ని ప్రశ్నలకు సంబంధించిన వీడియోను విడుదల చేసిందట.ప్రస్తుతం ఈ వీడియో అయితే నెట్టింట వైరల్ అవుతోంది.
బాలకృష్ణ సినిమాలతో ప్రేక్షకులను అలరిస్తుంటారనే సంగతి తెలిసిందే. అయితే ఆయన పేరుమీద సోషల్‌ మీడియాలో మీమ్స్‌ కూడా పెద్ద ఎత్తున బాగా వైరల్ అవుతూనే ఉంటాయి. ముఖ్యంగా బాలకృష్ణ డైలాగ్‌లు మరియు డ్యాన్స్‌, ఫైటింగ్‌లపై ఎత్తు మీమ్స్‌ పోస్ట్ చేస్తుంటారు. ఈ నేపథ్యంలో తాజాగా ఆహా నిర్వహించిన ‘నెవర్‌ హావ్‌ ఐ నెవర్‌’ (నేను ఎప్పుడు చేయనిది) షోలో భాగంగా ‘మీపై వచ్చే మీమ్స్‌ గురించి ఎప్పుడైనా నవ్వుకున్నారా.?’ అన్న ప్రశ్నకు ‘నవ్వుకున్నాను’ అని సమాధానం ఇచ్చారట.
కరోనా వచ్చిన సమయంలో లెజెండ్‌ సినిమాలోని డైలాగ్‌తో చేసిన మీమ్స్‌ చూసినప్పుడు నవ్వుకున్నాను అని తెలిపారట.. ఇక ఎప్పుడైనా కాలేజికి బంక్‌ కొట్టారా అన్న ప్రశ్నకు ‘బంక్‌ కొట్టని వారు ఎవరు ఉంటారు చెప్పండి’ అంటూ బదులిచ్చారట.. ఇలా పలు సరదా ప్రశ్నలకు తనదైన స్టైల్‌లో సమాధానం ఇచ్చారట బాలకృష్ణ. మరి బాలయ్య బాబు చెప్పిన ఇంకొన్ని ఫన్నీ విశేషాలు మీరు కూడా చూసేయండి. బాలయ్య తనలోని హాస్య రసాన్ని బయటకు తీస్తున్నాడు అంటూ అందరూ కూడా కామెంట్ చేస్తున్నారు.