రౌడీ హీరోతో మహేష్ హీరోయిన్ ?
ఇక ఈ సినిమా టీజర్ కోసం అభిమానులు ఎంతో ఆసక్తిగా ఎదురు చూస్తున్నారు. ఇక ఈ మూవీ తరువాత కూడా విజయ్ మరో క్రేజీ ప్రాజెక్ట్ లైన్లో పెట్టాడు. క్రియేటివ్ డైరెక్టర్ సుకుమార్ దర్శకత్వంలో ఓ సినిమా చెయ్యబోతున్నట్లు విజయ్ గతంలోనే అధికారికంగా ప్రకటించాడు. ఈ సినిమాను మైత్రి మూవీ మేకర్స్ నిర్మిస్తుంది. ఇక ఈ ప్రాజెక్ట్ అనౌన్స్ మెంట్ తోనే ప్రేక్షకుల్లో విపరీతమైన బజ్ ఏర్పడింది. హీరోలను డిఫరెంట్ గా ప్రజెంట్ చేసే సుక్కు, విజయ్ ని ఎలా చూపిస్తాడో అని అభిమానుల్లోనే కాక కామన్ ఆడియన్స్ లో కూడా క్యూరియాసిటీ నెలకొంది. ఇక ఈ మూవీకి సంబంధించి ఇప్పటికే రకరకాల గాసిప్స్ చక్కర్లు కొడుతున్నాయి.
తాజాగా ఈ సినిమాకు సంబంధించి మరో వార్త ఇండస్ట్రీలో బాగా వైరల్ అవుతుంది. ఈ సినిమాను పిరియడిక్ డ్రామాగా తెరకెక్కిస్తున్నాడట సుకుమార్. ఇక ఈ సినిమాలో కృతి సనన్ హీరోయిన్ గా నటిస్తుందని వార్తలు వస్తున్నాయి. ఈమె సూపర్ స్టార్ మహేష్ బాబు నటించిన " 1నేనొక్కడినే " సినిమాతో ఇండస్ట్రీకి పరిచయం అయ్యింది. ఆ తరువాత నాగ చైతన్య తో " దోచేయ్ " సినిమా చేసింది. ఈ రెండు సినిమాలు కూడా ఫ్లాప్ గా నిలవడంతో, తెలుగులో అవకాశాలు లేక బాలీవుడ్ చెక్కేసింది ఈ ముద్దుగుమ్మ. ఇక ప్రస్తుతం నేషనల్ స్టార్ ప్రబాస్ " ఆది పురుష్ " మూవీలో సీతగా నటిస్తుంది. ఇప్పుడు విజయ్-సుక్కు కాంబినేషన్లో వస్తున్న చిత్రంలో కృతి సనన్ ఫిక్స్ అయితే మాత్రం తెలుగులో కూడా ఈ అమ్మడు ఫుల్ బిజీ కావడం ఖాయం.