ಭಾವನಾತ್ಮಕವಾಗಿ ಟ್ವೀಟ್ ಮಾಡಿದ ಸ್ಟಾರ್ ನಿರ್ದೇಶಕ
ನಾ ಭೂತೋ ನಾ ಭವಿಷ್ಯತ್ ಎನ್ನುವಂತೆ ಇಡೀ ಪ್ರಪಂಚದಾದ್ಯಂತ ಹವಾ ಎಬ್ಬಿಸಿ, ಸಾವಿರಾರು ಕೋಟಿ ರೂಪಾಯಿಗಳನ್ನು ಬಾಚಿಕೊಂಡಿತ್ತು ಆ ಸಿನಿಮಾ. ಆ ಒಂದೇ ಒಂದು ಸಿನಿಮಾದಿಂದ ಪ್ರಪಂಚದಾದ್ಯಂತ ಸದ್ದು ಮಾಡಿದ್ದರು ನಿರ್ದೇಶಕರು. ಆ ನಿರ್ದೇಶಕ ಬೇರಾರು ಅಲ್ಲ, ಕನ್ನಡಿಗ. ನಮ್ಮ ಕರುನಾಡಿನ ಹೆಮ್ಮೆಯ ಕನ್ನಡಿಗ. ಆ ನಿರ್ದೇಶಕನ ಹೆಸರು ರಾಜಮೌಳಿ.
ಬಾಹುಬಲಿ ನಂತರ ಯಾವುದೇ ಸಿನಿಮಾ ಮಾಡದೆ ಮತ್ತೊಂದು ದೊಡ್ಡ ಹಿಟ್ ಕೊಡುವ ನಿಟ್ಟಿನಲ್ಲಿ ಖ್ಯಾತ ನಿರ್ದೇಶಕ ರಾಜಮೌಳಿ ಆರ್ ಆರ್ ಆರ್ ಚಿತ್ರ ಮಾಡುತ್ತಿದ್ದಾರೆ. ಹೀಗಿರು ವಾಗಲೇ ಬಹಳ ಸಮಯದ ನಂತರ ಅವರು ಟ್ವಿಟರ್ ನಲ್ಲಿ ಒಂದು ಟ್ವೀಟ್ ಮಾಡಿದ್ದಾರೆ. ಅದು ಕೂಡ ಭಾವನಾತ್ಮಕವಾಗಿ. ಏನದು? ಅಂತ ಮುಂದೆ ಓದಿ.
ಭಾರತ ಚಿತ್ರರಂಗಕ್ಕೆ 'ಬಾಹುಬಲಿ'ಯಂತಹ ಹಿಟ್ ಸಿನಿಮಾ ಕೊಟ್ಟ ನಿರ್ದೇಶಕ ರಾಜಮೌಳಿ ಅವರು ಆರ್ ಆರ್ ಆರ್ ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ. ರಾಮ್ಚರಣ್ ಹಾಗೂ ಜೂನಿಯರ್ ಎನ್ಟಿಆರ್ ಅಭಿನಯದ ಬಹು ತಾರಾಗಣದ ಚಿತ್ರದ ಚಿತ್ರೀಕರಣ ವಿದೇಶಗಳಲ್ಲೂ ಇದೀಗ ನಡೆಯುತ್ತಿದೆ. ಹೌದು, ಅವರ ಕನಸಿನ ಪ್ರಾಜೆಕ್ಟ್ 'ಬಾಹುಬಲಿ' ಕುರಿತಾಗಿ ತುಂಬಾ ಭಾವನಾತ್ಮಕವಾಗಿ ಟ್ವೀಟ್ ಮಾಡಿದ್ದಾರೆ. ಹೌದು, ರಾಜಮೌಳಿ ಅವರ ನಿರ್ದೇಶನದ 'ಬಾಹುಬಲಿ- ದ ಬಿಗಿನಿಂಗ್' ಸಿನಿಮಾ ಇದೇ 19ರಂದು ಲಂಡನ್ನ ರಾಯಲ್ ಆಲ್ಬರ್ಟ್ ಹಾಲ್ನಲ್ಲಿ ಪ್ರದರ್ಶನಗೊಳ್ಳಲಿದೆ.
ಬಾಹುಬಲಿ ಜತೆಗೆ ಹಾಲಿವುಡ್ ಸಿನಿಮಾಗಳಾದ 'ಸ್ಕೈ ಫಾಲ್', 'ಹ್ಯಾರಿ ಪಾಟರ್' ಸಹ ಇದೇ ವೇಳೆ ಪ್ರದರ್ಶನಗೊಳ್ಳಲಿದೆ. ಈ ಪ್ರದರ್ಶನಕ್ಕೆ ಬಾಹುಬಲಿ ಚಿತ್ರದ ತಂಡದವರೂ ಹಾಜರಿರಲಿದ್ದಾರೆ. ನಟ ಪ್ರಭಾಸ್, ರಾಣಾ ಹಾಗೂ ಅನುಷ್ಕಾ ಸಹ ಲಂಡನ್ಗೆ ಹೋಗಲಿದ್ದಾರೆ. 2015 ರಲ್ಲಿ 'ಬಾಹುಬಲಿ- ದ ಬಿಗಿನಿಂಗ್' ಸಿನಿಮಾ ತೆರೆಕಂಡು ಸಂಚಲನವನ್ನೇ ಸೃಷ್ಟಿಸಿತ್ತು. ಪ್ರಭಾಸ್ ಬಾಹುಬಲಿಯಾಗಿ, ಅನುಷ್ಕಾ ದೇವಸೇನಾ, ರಾಣಾ ಬಲ್ಲಾಳದೇವನ ಪಾತ್ರದಲ್ಲಿ ನಟಿಸಿದ್ದರು. ಕಟ್ಟಪ್ಪನ ಪಾತ್ರದಲ್ಲಿ ಸತ್ಯ ರಾಜ್ ಅವರು ನಟಿಸಿದ್ದು ಇದೇ ಚಿತ್ರದಲ್ಲಿ ಕನ್ನಡದ ಮತ್ತೊಬ್ಬ ಖ್ಯಾತ ನಟ ಸುದೀಪ್ ಅವರು ಸಹ ನಟಿಸಿದ್ದರು.