మద్యానికి బానిసయితే ఆ తీవ్ర సమస్య తప్పదు?
మద్యానికి బానిసయితే ఆ తీవ్ర సమస్య తప్పదు?
ఈ కాలంలో చాలా మంది యువత కూడా ఎక్కువగా మద్యానికి బానిసవుతున్నారు. మొదట్లో స్నేహితులతో సరదాగా మొదలయ్యే ఈ అలవాటు క్రమంగా చాలా పెద్ద దురలవాటుగా మారి జీవితాన్ని సర్వ నాశనం చేస్తుంది.మద్యపానం అనేది ఆరోగ్యానికి చాలా హానికరం.దాని వల్ల గుండె, మెదడు ఆరోగ్యంపై కలిగే దుష్ప్రభావాల గురించి చాలా అధ్యయనాలు జరిగాయి.తాజాగా యూనివర్శిటీ ఆఫ్ ఈస్ట్ ఆంగ్లియా తాజా అధ్యయనంలో అధికంగా మద్యపానం చేయడం వల్ల మీ కండరాలు చాలా వేగంగా తగ్గిపోతాయని తేలింది.ఆల్కహాల్ అధిక వినియోగం అస్తిపంజర కండరాలను ఖచ్చితంగా దెబ్బతీస్తుందని, ఇంకా అకాల వృద్ధాప్య ప్రమాదాన్ని పెంచుతుందని తేలింది. ఈ అధ్యయనం విషయాలు గురించి ఇప్పుడు మనం తెలుసుకుందాం.పెద్దవారు ఎక్కువ కండర ద్రవ్యరాశిని కలిగి ఉంటారు. కాబట్టి పరిశోధకులు ప్రోటీన్ వినియోగం ఇంకా శారీరక శ్రమ వంటి అంశాలను పరిగణనలోకి తీసుకోవడం ద్వారా శరీర పరిమాణాన్ని అంచనా వేశారు.
పరిశోధకులు యూకే బయోబ్యాంక్ నుంచి 37 నుంచి 79 సంవత్సరాల ఉన్న రెండు లక్షల మందిపై ఈ పరిశోధన చేశారు.ముఖ్యంగా వారి శరీర పరిమాణాలు ఇంకా ఇతర అంశాలను పరిగణనలోకి తీసుకున్న తర్వాత తక్కువ తాగే వ్యక్తులతో పోలిస్తే ఎక్కువగా మద్యం సేవించే వారిలో అస్తి పంజర కండరాలు తక్కువగా ఉన్నాయని వారు కనుగొననారు.ఇంకా అలాగే రోజుకు 10 లేదా అంతకంటే ఎక్కువ యూనిట్లు మద్యం తాగుతున్నప్పుడు అది ఖచ్చితంగా పెద్ద సమస్యగా మారిందని పరిశోధనలో తేలింది. ఆల్కహాల్ వినియోగం ఇంకా కండర ద్రవ్యరాశిని క్రాస్-సెక్షన్గా కొలుస్తారు. సాధారణంగా వయసు పెరిగే కొద్దీ కండరాలను కోల్పోవడం, బలహీనతతో అనేక సమస్యలకు దారితీస్తుంది. అయితే అలాంటి వారు మద్యం కనుక సేవిస్తే వేగంగా కండరాలను కోల్పోతారని తేలింది.కాబట్టి వృద్ధులు వీలైనంతగా ఈ మద్యానికి చాలా దూరంగా ఉండాలని తాజా అధ్యయనంలో తేలింది.