బాల భారతం: లక్ష్యాలు లేని ప్రయాణం?
చాలామంది ఈ ప్రశ్న తమకు ఎప్పుడు ఎదురు అవుతుందా అని ఎదురు చూసే ఉంటారు. ఎందుకంటే తాము భవిష్యత్తులో సాధించాలి అనుకుంది అందరి ముందు గర్వంగా చెప్పాలని అనుకుంటూ ఉంటారు. ఇలా ఎప్పుడైనా టీచర్ మీరు పెద్దయ్యాక ఏం కావాలనుకుంటున్నారు అంటూ అడిగితే.. నేను డాక్టర్ కావాలనుకుంటున్నాను టీచర్.. నేను ఇంజనీర్ అవ్వాలి అనుకుంటున్నాను టీచర్.. నేను ఒక గొప్ప సైంటిస్ట్అవుతాను టీచర్ అంటూ ఎంతో హుషారుగా ఒక్కో విద్యార్థి ఒక్కో ఈ విధంగా తమ భవిష్యత్తు లక్ష్యాన్ని బయటపెట్టేవారు. ఇలా అవ్వాలి అనుకోవడమే కాదు అవ్వడానికి లక్ష్యం వైపు అడుగులు వేసే వారు.
కానీ ఇప్పుడు ఎక్కడ అలాంటివి కనిపించడం లేదు. మార్కుల కోసం పోరాటం ర్యాంకుల కోసం ఆరాటం తప్ప.. అసలు చదువు ఎందుకు కొనసాగిస్తున్నాం భవిష్యత్తులో ఏం కావాలి అనుకుంటున్నాం అన్న క్లారిటీ మాత్రం నేటి రోజుల్లో పిల్లల్లో కనిపించడం లేదు. బట్టీ పట్టే చదువులు తప్ప.. భావి భారత పౌరులను తీర్చిదిద్దే చదువులు నేటి రోజుల్లో ఎక్కడా కనిపించడం లేదు. ఇక నేటి రోజుల్లో పిల్లలను పెద్దయ్యాక మీరేం కావాలనుకున్నారు అని అడిగితే.. అదేదో క్లిష్టమైన ప్రశ్న అడిగినట్లుగా తడబడి పోతున్నారు తప్ప.. భవిష్యత్తులో నేను ఇది కావాలనుకుంటున్నాను.. తప్పకుండా అవుతాను అని మాత్రం చెప్పే కాన్ఫిడెన్స్ నేటి పిల్లల్లో ఎక్కడా కనిపించడం లేదు. ఇలా లక్ష్యాలు లేనిచదువులు నేటి భవిష్యత్తు భావి భారతాన్ని ఎక్కడ తీసుకెళ్తాయో అన్నది మాత్రంఅందరికీ ఒక ప్రశ్నగానే మిగిలిపోయింది.