पुणे – पुण्यातील पिंपरी-चिंचवडमध्ये कोरोनाने थैमान घातले असून कोरोनाची लागण ५ जणांना झाल्याचे समोर आले आहे. ३ महिला तर २ पुरुषांचा यामध्ये समावेश असल्याची ही माहिती पिंपरी – चिंचवड महानगर पालिका प्रशासनाकडून देण्यात आली आहे. त्यामुळे एकट्या पुण्यामध्ये आता कोरोनाग्रस्तांचा आकडा १५ वर गेला आहे.
कोरोना बधितांची पिंपरी-चिंचवडमध्ये संख्या ही आता ८ वर पोहचली असून पुण्याचे ७ जण पॉझिटिव्ह आहेत. सविस्तर माहिती अशी की, पुण्यातील पहिला दुबईहून आलेला पहिल्या ग्रुपमध्ये असलेल्या ४० जणांपैकी ४ जणांना कोरोनाची लागण झाली आहे. तर एक जण थायलंडहुन पिंपरी-चिंचवडला आला आहे. तो पॉझिटिव्ह निघाला असून या सर्वांवर पिंपरी-चिंचवडमधील भोसरी येथील रुग्णालयात उपचार सुरू आहेत. हे सर्व पाहता महानगर पालिकेच्या प्रशासनाकडून रात्री उशिरा बैठक बोलावण्यात आली असून कोरोनाच्या विरोधात कसे दोन हात करायचे यावर चर्चा सुरू आहे.
