నిల్వపచ్చళ్ళతో ఆరోగ్యానికి చాలా మేలు!
కొంతమందికి కూర ఉన్న లేకున్నా నిల్వ పచ్చళ్లు మాత్రం ఉండాల్సిందే. వేడి వేడి అన్నంలో నెయ్యి,కొత్తావకాయ వేసుకుని తింటే ఆ రుచే వేరని చెప్పాలి. చాలా మంది ఆవకాయలు ఇంకా ఊరగాయలు అనారోగ్యకారకాలని ఎక్కువగా తింటే బరువు పెరుగుతామని భావిస్తారు. నిజానికి ఈ నిల్వ పచ్చళ్ల వల్ల ఆరోగ్యానికి చాలా మేలే జరుగుతుంది. గతంలో స్టాన్ ఫోర్డ్ యూనివర్సిటీ వారు కూడా ఈ నిల్వ పచ్చళ్ల వల్ల ఆరోగ్యానికి మంచి జరుగుతుందని ఓ అధ్యయనంలో కనిపెట్టడం జరిగింది.ఈ నిల్వ పచ్చళ్లు 'ఫెర్మెంటెడ్ ఫుడ్' కోవలోకి వస్తాయి. అంటే ఎక్కువ రోజులు పులియబెట్టిన ఆహారం అని దీని అర్థం. ఇలా పులియబెట్టిన ఆహారంలో మంచి బ్యాక్టిరియా అనేది ఉంటుందట. ఇక వీటిని ప్రోబయాటిక్స్ అంటారు. ఇవి పొట్ట ఆరోగ్యానికి చాలా మంచిది. జీర్ణశయ పనితీరును ఇవి బాగా మెరుగుపరుస్తాయి. రోగినిరోధక వ్యవస్థ కూడా చాలా సమర్థవంతంగా పనిచేస్తుంది. ముఖ్యంగా నాలుగు రకాల రోగనిరోధక కణాలు ఈ నిల్వ పచ్చళ్లలో లభిస్తాయి. ఇవి తినడం వల్ల రక్తంలో వాపును కలిగించే ప్రోటీన్ లెవెల్స్ కూడా తగ్గుముఖం పడతాయి. ఆ ప్రోటీన్లు రుమటాయిడ్ ఆర్ధరైటిస్, డయాబెటిస్ ఇంకా అలాగే ఒత్తిడి వంటివాటికి కారణమయ్యేవి. కాబట్టి నిల్వ పచ్చళ్లు తినడం వల్ల ఈ ఆరోగ్యసమస్యలు కూడా తగ్గే ఛాన్స్ ఉంది. కాబట్టి రోజూ ఏదో ఒక నిల్వ పచ్చడి తింటే ఆరోగ్యానికి చాలా మంచిది.
ఊరగాయల్లో చాలా ఎక్కువ మొత్తంలో ఉప్పు, కారం ఉంటాయి. కాబట్టి చాలా మితంగా తింటే చాలా మంచిది. నేరుగా కాకుండా అన్నంలో కలుపుకుని వీటిని తినాలి.కాకపోతే ఊరగాయల వల్ల అవసరానికి మించి అన్నం తినే ఛాన్స్ ఉంది. అలాగే ఆవకాయ కలుపుకుని అన్నం తిన్న తరువాత ఇతర కూరలు తినబుద్ధి కావు. దీనివల్ల శరీరానికి అంటే పోషకాలు తగ్గుతాయి. కాబట్టి ఇలా అసలు జరగరకుండా బ్యాలెన్స్ చేసుకుని తినాల్సిన అవసరం ఉంది. అధిక బరువు ఉన్న వారు, ఆవకాయలోని నూనెను తినకుండా ఇంకా కేవలం మామిడి ముక్కలతోనే సరిపెట్టుకోవాలి. పప్పు, పెరుగన్నంతో వీటిని నంజుకుంటే చాలా మంచిది. రుచికి రుచి ఇంకా ఆరోగ్యానికి ఆరోగ్యం వస్తుంది. అయితే అధిక రక్తపోటు ఉన్న వారు మాత్రం ఉప్పు అధికంగా ఉండే నిల్వపచ్చళ్ల జోలికి అసలు వెళ్లవద్దు. వీలైతే ఉప్పు తక్కువగా వేసుకుని ప్రత్యేకంగా మీరు పచ్చళ్లు పెట్టుకోవడం చాలా మంచిది.