పినాకిల్ బ్లూమ్స్ : ఆటిజంపై.. అలుపెరగని పోరాటం..!
అలాంటి ప్రయత్నమే చేస్తూ విజయపధంలో ముందుకు పోతుంది పినాకిల్ సంస్థ. అసలు ఈ సమస్య ఎందుకు వస్తుంది అనే ప్రశ్న తలెత్తితే, దానికి సమాధానంగా ఈ వివరాలు తెలుసుకుందా. ప్రపంచవ్యాప్తంగా కూడా ఈ సమస్య ఉంది. 1995 నుండి పరికిస్తే అప్పటికి ప్రపంచ వ్యాప్తంగా 500 చిన్నారులలో ఈ సమస్య గుర్తించారు. ప్రస్తుత పరిస్థితులలో అనేక అలవాట్ల మార్పిడి ఆహారం తీసుకునే విషయంలో అనేక మార్పులు కారణంగా ఈ సమస్య కూడా పెరుగుతూనే వచ్చింది. 2019నాటికి ప్రపంచవ్యాప్తంగా ఈ సమస్య ఇంకా పెరుగుతూనే వచ్చింది. ఇది పైకి కనిపించే సమస్య కాకపోవడంతో అందరూ తల్లిదండ్రులు దీనిని గుర్తిచడంలో ఆలస్యం చేస్తూనే ఉన్నారు. దానితో సమస్య పెరిగిపోతుంది. ఈ సమస్యపై చదువుకున్న వారిలో కూడా అంత పరిజ్ఞానం లేకపోవడం కూడా దానిని గుర్తించడం కష్టతరం అవుతుంది. ఈ సమస్య గురించి అవగాహనా కార్యక్రమాలు కూడా పెద్దగా జాతీయ, అంతర్జాతీయ స్థాయిలో జరగకపోవడం వలన దీనిపై ఎవరికి సరైన అవగాహనా ఉండటం లేదు. దాదాపు దానిని గుర్తించిన వారికి తప్ప మరొకరికి ఈ విషయం పై అవగాహన లేకపోవడం సమస్యను పెద్దది చేస్తుంది.
ఈ సమస్య ఉన్న పిలల్లలో కనీసం తల్లిదండ్రులను గుర్తించే పరిస్థితి ఉండదు. కొందరిలో వినికిడి సమస్య ఉండవచ్చు, మరి కొందరు ఊరికే అలా ఉన్నచోట ఉంటారు తప్ప ఇతర పిల్లల మాదిరి ఆడుకోవడం, అల్లరి చేయడం లాంటివి చేయరు. చిన్న వయసులోనే పిల్లల కు స్పందించడం అలవాటు చేసుకున్న తల్లిదండ్రులకు మాత్రమే ఇవన్నీ తెలుస్తాయి. అలా తెలిసిన వారు కూడా ధైర్యంగా వైద్యం పొందటానికి ముందుకు రావాలి. తమ పిల్లవాడిని తోటివాళ్ళు అల్లరి చేస్తారేమో అని వాళ్ళు సమస్యను దాచిపెడితే భవిష్యత్తులో వాళ్ళు చాలా సవాళ్లు ఎదుర్కోవాల్సి రావచ్చు. అందుకే గుర్తించిన వెంటనే తగిన వైద్యుల తో పరీక్ష చేయించడం ద్వారా సమస్యను గుర్తించవచ్చు. వీరికి సాధారణ జీవితం జీవించడానికి పూర్తి హక్కులు ఉన్నాయి, వాటిని సమకూర్చే శ్రద్ద, సహజం ఆయా తల్లిదండ్రులలో ఉండాల్సి ఉంటుంది. అలా తమ సమస్యపై అనుక్షణం పోరాడారు కాబట్టే సంస్థ స్థాపకులు కూడా తమ సమస్యకు పరిష్కారం కనుక్కోవడమే కాకుండా పలువురికి అలాంటి సేవలు అందించడంలో విజయం సాధిస్తున్నారు. ప్రస్తుతం ఈ సంస్థ 14 శాఖలుగా విస్తరించి అనేకమంది అటిజం పిల్లలకు సేవలను అందిస్తుంది.