హెరాల్డ్ ఎడిటోరియల్ : స్వామి దెబ్బకు ఎల్లోమీడియా జుట్టు పీక్కుంటోందా ?
ఇపుడు స్వామి వేసిన కేసు కారణంగా చాలామంది జుట్లు పీక్కుంటున్నారు. అసలు స్వామి ఎల్లోమీడియాపై ఇంతకాలం తర్వాత ఎందుకు కేసు వేశారో బీజేపీ నేతలకు అర్ధం కావటంలేదు. ఇదే విషయమై తెలుగుదేశంపార్టీ నేతలు కూడా చాలా ఆలోచించి ఏమీ తేలక మాట్లాడకుండా కూర్చున్నారు. ఇక ఎల్లోమీడియాకు అయితే మరీ తిక్కరేగిపోతోంది. తమపై స్వామి పరువునష్టం దావా వేయటంపై రెండు రోజులుగా వరుసగా కథనాలు రాసుకుంటోంది. కోర్టుల్లో కూడా వేయనన్ని ప్రశ్నలను ఎల్లోమీడియా స్వామిపై సంధిస్తోంది. అయితే స్వామి మాత్రం కామ్ గా తిరుపతికి వెళ్ళి కేసు ఫైల్ చేశారు. తర్వాత అమరావతికి వెళ్ళి జగన్ తో భేటీ అయ్యారు. అంతే స్పీడుగా తిరిగి ఢిల్లీకి వెళ్ళిపోయారు.
వెళ్ళిన స్వామి ఊరికేపోకుండా తాను పరువునష్టం దావా వేసిన విషయాన్ని వివరించారు. పైగా తాను వేసిన కేసుల్లో ఇఫ్పటివరకు ఒక్కటి కూడా ఓడిపోలేదని చెప్పి మరీ ఢిల్లీకి వెళ్ళిపోయారు. ఈ మాట వాస్తవమే అయ్యుంటుంది. అందుకనే ఎల్లోమీడియా యాజమాన్యం కూడా మల్లగుల్లాలు పడిపోతోంది. స్వామి అంటేనే దేశ రాజకీయాల్లో తెలియని వాళ్ళుండరు. ఎంతటి తెలివైన వారు కాకపోతే ఎన్నెన్నో కేసుల్లో లిటిగేషన్ పెట్టేసి సోనియాగాంధి, రాహూల్ గాంధి లాంటి బడా బడా నేతలను ముప్పు తిప్పలు పెట్టారు. మొత్తానికి ఆలస్యంగా కేసు వేసిన లేటెస్టుగానే వచ్చినట్లు చెప్పుకున్నారు. మరి చూద్దాం ఈ కేసు ఎన్ని మలుపులు తిరుగుతుందో.