జగన్.. ఆ విషయంలో అనవసరంగా కెలుక్కున్నారా?
మూడు రాజధానుల ఏర్పాటు వల్ల అధికార వికేంద్రీకరణ జరుగుతుంది. అన్ని ప్రాంతాలు అభివృద్ధి చెందుతాయి. న్యాయవ్యవస్థ ఎక్కువ చొరవ తీసుకుని దాన్ని ఆపడం వల్ల అన్ని ప్రాంతాలు అభివృద్ది చెందలేకపోతున్నాయి. ఆర్టికల్ 154 రెడ్ విత్ 163 ప్రకారం రాజధాని అంశం రాష్ట్ర కార్యనిర్వహణ చేతుల్లో ఉంటుందన్నారు. రాజధానిగా ఏ నగరం ఉండాలనేది రాష్ట్ర ప్రభుత్వం నిర్ణయించుకోవచ్చన్నారు. రాజ్యాంగంలోని ఆర్టికల్ 38 ప్రకారం అసమానతల్ని తొలగించేందుకు ఆదేశిక సూత్రాల ప్రకారం.. న్యాయ రాజధాని, ఆర్థిక రాజధాని అని ప్రకటించుకున్నాం. 2021 ఫిబ్రవరి 4న లోక్ సభలో కేంద్ర హోం మంత్రి మాట్లాడుతూ.. రాష్ట్రాల రాజధానులను నిర్ణయించుకునే అధికారం రాష్ట్రాల చేతుల్లోనే ఉంటుందన్నారు.
దీనికి గాను న్యాయవ్యవస్థ మీద మీ వ్యాఖ్యల్ని సమర్థించుకునేందుకు మీ వద్ద డాక్యుమెంట్లు ఉంటే సభ ముందు ఉంచాలని రాజ్యసభ అధ్యక్షుడు జగదీష్ దన్ ఖడ్ అన్నారు. న్యాయవ్యవస్థ గురించి మాట్లాడేటప్పడు జాగ్రత్తగా మాట్లాడాలని చెప్పారు. న్యాయవ్యవస్థ పరిధి దాటి వ్యవహరించిందని అనడం దానికి కళంకం ఆపాదించడమే అన్నారు. మీరు చెప్పిన మాటలను నిరూపించాలని విజయసాయి రెడ్డికి రాజ్యసభ ఛైర్మన్ సూచించారు. న్యాయవ్యవస్థ ఇచ్చిన ఏ తీర్పు ఆధారంగా మీరు ఈ వ్యాఖ్యలు చేశారో పూర్తి వివరాలు సమర్పించాలన్నారు.