పెళ్లిరోజే పెగ్గేసి నిద్రపోయిన వరుడు.. చివరికి?
ఇన్ని జరుగుతున్న అటు మద్యం తాగే వారి సంఖ్య రోజురోజుకు పెరిగిపోతుంది. కానీ ఎక్కడ తగ్గుముఖం పట్టడం లేదు. అయితే ఇక్కడ మద్యం కారణంగా ఒక యువకుడికి పెళ్లి ఆగిపోయే పరిస్థితి ఏర్పడింది. పెళ్లి అనేది ప్రతి ఒక్కరి జీవితంలో ప్రత్యేకమైనది. నచ్చిన భాగస్వామిని జీవితంలోకి ఆహ్వానించి నూరేళ్లు సంతోషంగా ఉండాలని ప్రతి ఒక్కరు కూడా ఆశపడుతూ ఉంటారు. ఇక్కడ ఒక యువకుడు అలాగే అనుకున్నాడు. కానీ మద్యం మత్తు అతనికి నిరాశ మిగిల్చింది. ఏకంగా పెళ్లి సమయంలో ఫుల్లుగా మందేసి స్నేహితులతో కలిసి తెగ డాన్సులు చేశాడు. చివరికి మద్యం ఎక్కువై స్పృహ తప్పి పడిపోయి రాత్రంతా నిద్రలోనే ఉన్నాడు.
పెళ్లికాకముందే ఇంత దారుణంగా ప్రవర్తిస్తున్నాడు. ఇక పెళ్లయితే నా జీవితం ఊహించుకోవడమే కష్టంగా ఉంది అనుకున్న యువతి చివరికి అతన్ని పెళ్లి చేసుకునేందుకు నిరాకరించింది దీంతో ఇలా మద్యం మత్తులో డాన్స్ చేయడమే కాదు రాత్రంతా మత్తులో నిద్రలోనే ఉండిపోయిన అతనితో పెళ్లి క్యాన్సిల్ చేసుకుంది వధువు. దీంతో వరుడుకి ఇచ్చిన కట్నం వెనక్కి ఇవ్వాలని డిమాండ్ చేస్తూ పోలీస్ స్టేషన్లో అతనిపై కేసు కూడా పెట్టింది. ఈ ఘటన కాస్తా స్థానికంగా సంచలనగా మారిపోయింది. ఉత్తరప్రదేశ్లోని ఘాజీపూర్ లో ఈ వింతైన ఘటన వెలుగులోకి వచ్చింది.