ఇలాంటి వ్యక్తి ముఖ్యమంత్రా.. అంతా మన ఖర్మ?
నిన్నటి దాకా... గుజరాత్ మోడల్ పై రేవంత్ నిప్పులు చెరిగారని.. ఇప్పుడు ప్రధాని పక్కన సీటు ఇవ్వగానే గొప్పలు చెబుతారా అని కేటీఆర్ ప్రశ్నించారు. ఇదేం నీతి... ఇదేం రీతి.. దేశం మెచ్చిన తెలంగాణ నమూనాను కించపరుస్తారా.. నమ్మి ఓటేసిన తెలంగాణపై ఎందుకీ నయవంచన.. తెలంగాణ ఆత్మగౌరవాన్ని మోదీ కాళ్ల దగ్గర తాకట్టు పెడతారా అంటూ కేటీఆర్ మండిపడ్డారు. నాడు ఉద్యమకారులపై రేవంత్ రెడ్డి రైఫిల్ ఎత్తారని.. ఇప్పుడు ఆత్మగౌరవంపై దెబ్బ కొట్టారని ఆయన్ను చరిత్ర క్షమించదని కేటీఆర్ అన్నారు.