విజయం మీదే: విజయానికి సూత్రాలివే?
అయితే తెలుసుకోవలసిన మార్గదర్శక సూత్రాలు ఏమిటి అంటే ...?
మన భావాలు, మన విధానాలు ఎప్పుడూ కూడా ఉన్నతంగా ఉండాలి. మంచిని స్పృశించేలా ఉండాలి. హడావిడిగా మొదలు అయిన రోజు హడావిడిగానే ముగుస్తుంది. వీలైనంత వరకు ప్రశాంతంగా రోజును మొదలు పెట్టాలి. మన మనసును అదుపు చేయగలిగిన వాళ్ళు జీవితాన్ని కూడా అదుపు చేయగలరు అని పెద్దలు చెబుతుంటారు.
ప్రణాళిక అనునది విజయానికి చేరుకోవడానికి ఒక సోపానం. ఆలోచించి ప్రణాళికను సిద్ధం చేసుకోవాలి. మీకున్న సామర్థ్యాన్ని మరియు నైపుణ్యాన్ని పూర్తిగా వినియోగించాలి. సక్రమంగా ఉపయోగించుకోవడానికి ఒకటికి పదిసార్లు ఆలోచించి చేయాలి.
సాదించాలనే ఉద్దీపన కలిగినపుడు అందుకు మన సామర్ధ్యం మరియు నైపుణ్యం తోడైతే విజయాన్ని సాధించడం సులభం. ఎంచుకున్న రంగంలో నైపుణ్యాన్ని పెంచుకోవాలి, మనోధైర్యంతో ముందుకు సాగాలి. మనకు ఏమి కావాలి అనే విషయంపై సరైన అవగాహన లేకుంటే మనము మొండిగా ఎంత కష్టపడినా ఉపయోగం ఉండకపోవచ్చు. ఇలా పై విషయాలు అన్నీ గుర్తుంచుకుని అనుసరిస్తే జీవితంలో మీరు అనుకున్నవన్నీ తప్పక సాధించగలరు. ఈ క్షణం నుండి మీ వర్కింగ్ స్టైల్ ను పూర్తిగా మార్చుకుని ప్రయత్నంలో ఎటువంటి లోపం లేకుండా శ్రమించండి విజయాన్ని ఎవ్వరూ ఆపలేరు.