యువతా... స్టార్టప్ వైపు పరుగులు తీస్తున్నారా ?
* ముఖ్యంగా స్టార్టప్ లో ఏకపక్షం కాకూడదు. ఒక గ్రూప్ అంతా కలిసి సక్సెస్ కోసం చేసే పూలబాట. ఈ ప్రక్రియలో గ్రూప్ లో ఉన్న ప్రతి ఒక్కరూ ఎంతో బాధ్యతగా మెలగాల్సిన అవసరం ఉంది. ఇలా అయితేనే మీరు అనుకున్నది సాధించడానికి వీలవుతుంది. విజయం సాధిస్తే అందులో ప్రతి ఒక్కరి శ్రమ కనిపించాలి.
* పోటీతత్వం బయట ఎలా ఉందో ఒక అవగాహన ఉండాలి. మనము క్రికెట్ ఆడే గ్రౌండ్ లో ఉండే పోటీ, మార్కెట్ లో మనకు ఎదురయ్యే పోటీ రెండూ ఒక్కటి కాదు. ప్రస్తుతం మార్కెట్ లో ఉండే కష్టాన్ని తట్టుకుని నిలబడడం చాలా కష్టం.
* మీరు కలిసి చేసే బృందం పనితీరును పరిశీలిస్తూ ఉండాలి. మీరు ఎలా అయితే ప్లాన్ చేశారో ఆ విధంగా గ్రూప్ లోని వ్యక్తులంతా కష్టపడుతున్నారా లేదా అని గమనిస్తూ ఉండాలి. మీ గ్రూప్ లోని సభ్యులపై వారు చేయగలరు అనే నమ్మకాన్ని కలిగించాలి. అలాంటప్పుడే మీరు కలలు కన్నా స్టార్టప్ సక్సెస్ అవుతుంది.
* ఎప్పటికప్పుడు పనితీరులో కలుగుతున్న సమస్యలను గ్రూప్ తో చర్చించి పరిష్కరించుకుంటూ ఉండాలి. ఈ డిస్కషన్ సమయంలో ప్రతి ఒక్కరికీ సమస్య గురించి వివరించే అవకాశం ఇవ్వాలి. ఎందుకంటే ఎవరిలో ఎంత సామర్ధ్యం ఉందనేది ఎవ్వరూ ఊహించలేము.
ఇవి కొన్ని విషయాలు మాత్రమే. మరో సారి స్టార్టప్ గురించి మిగిలిన విషయాలను తెలుసుకుందాము.