సాహిత్యంలో నోబెల్ గెలుచుకున్న 16వ మహిళ...
సాహిత్య రంగంలో ప్రతిష్టాత్మక నోబెల్ పురస్కారం అమెరికాకు చెందిన కవయిత్రికి దక్కింది. అమెరికాలో ఇంగ్లిష్ ప్రొఫెసర్‌గా పనిచేస్తున్న లూయిస్ గ్లక్‌ను ఈ ఏడాదికి గాను నోబెల్ ప్రైజ్‌కు ఎంపిక చేసినట్లు స్వీడిష్ అకాడమీ గురువారం (అక్టోబర్ 8) ప్రకటించింది. 1943లో న్యూయార్క్‌లో జన్మించిన లూయిస్.. కనెక్టికట్‌లోని యాలే యూనివర్శిటీలో ఇంగ్లిష్ ప్రొఫెసర్‌గా పనిచేస్తున్నారు. ఇప్పటివరకు 12 క‌వితా సంపుటాలు వెలువ‌రించిన లూయిస్.. తన కవితలతో ఎంతో మందిని ప్రభావితం చేశారు. ఎన్నో పురస్కారాలు పొందారు. 1991 నుంచి ఇప్పటివరకు సాహిత్య రంగంలో 117 మందికి నోబెల్ బహుమతి దక్కగా.. వీరిలో 16 మంది మహిళలు ఉండటం విశేషం. లూయిస్ గ్లక్ 1968లో ‘ఫస్ట్‌ బార్న్‌’ పేరుతో తొలి కవిత రాశారు.
అనతి కాలంలోనే అమెరికా సాహిత్య రంగంలో ప్రముఖ కవయిత్రిగా గుర్తింపు సాధించారు. 1993లో తాను రాసిన ‘ది వైల్డ్‌’ అనే ఐరిష్‌ కవితకు పులిట్జర్‌ పురస్కారం అందుకున్నారు. పులిట్జర్‌‌తో పాటు అనేక అవార్డులు పొందారు. నోబెల్ ప్రైజ్ కింద లూయిస్ గ్లక్ 1.1 మిలియన్ యూఎస్ డాలర్లను అందుకోనున్నారు. ఏటా డిసెంబర్ 10న స్టాక్‌హోమ్‌లో నిర్వహించే అవార్డుల వేడుకలో ఈ పురస్కారాన్ని ప్రదానం చేసేవారు. అయితే.. కరోనా సంక్షోభం కారణంగా ఈసారి ఈ కార్యక్రమాన్ని టెలివిజన్‌కే పరిమితం చేశారు. నోబెల్ సాహిత్య పురస్కారాలపై గతంలో వివాదం చెలరేగింది. అవార్డు విజేతలను ఎంపిక చేసే స్వీడిష్ అకాడమీలో లైంగిక వేధింపుల ఆరోపణలు రావడంతో 2018లో సాహిత్య రంగంలో నోబెల్ ప్రకటనను వాయిదా వేశారు. ఆ తర్వాత గతేడాది 2018, 2019 సంవత్సరాలకు గాను రెండు పురస్కారాలను ఒకేసారి ప్రకటించారు.
అనతి కాలంలోనే అమెరికా సాహిత్య రంగంలో ప్రముఖ కవయిత్రిగా గుర్తింపు సాధించారు. 1993లో తాను రాసిన ‘ది వైల్డ్‌’ అనే ఐరిష్‌ కవితకు పులిట్జర్‌ పురస్కారం అందుకున్నారు. పులిట్జర్‌‌తో పాటు అనేక అవార్డులు పొందారు. నోబెల్ ప్రైజ్ కింద లూయిస్ గ్లక్ 1.1 మిలియన్ యూఎస్ డాలర్లను అందుకోనున్నారు. ఏటా డిసెంబర్ 10న స్టాక్‌హోమ్‌లో నిర్వహించే అవార్డుల వేడుకలో ఈ పురస్కారాన్ని ప్రదానం చేసేవారు. అయితే.. కరోనా సంక్షోభం కారణంగా ఈసారి ఈ కార్యక్రమాన్ని టెలివిజన్‌కే పరిమితం చేశారు. నోబెల్ సాహిత్య పురస్కారాలపై గతంలో వివాదం చెలరేగింది. అవార్డు విజేతలను ఎంపిక చేసే స్వీడిష్ అకాడమీలో లైంగిక వేధింపుల ఆరోపణలు రావడంతో 2018లో సాహిత్య రంగంలో నోబెల్ ప్రకటనను వాయిదా వేశారు. ఆ తర్వాత గతేడాది 2018, 2019 సంవత్సరాలకు గాను రెండు పురస్కారాలను ఒకేసారి ప్రకటించారు.