విజయం మీదే : ధైర్యంతో ముందడుగు వేస్తే ఏ పనిలోనైనా విజయం మీ సొంతం

Reddy P Rajasekhar
మనలో చాలామంది నచ్చిన రంగంలో సక్సెస్ సాధించాలని కలలు కంటూ ఉంటారు. కొందరు ఆ కలలను నిజం చేసుకుంటే మరికొందరి జీవితంలో మాత్రం ఆ కలలు కలలుగానే మిగిలిపోతాయి. సాధించే సత్తా ఉన్నా ధైర్యం లేకపోవడం వల్ల చాలామంది సక్సెస్ సొంతం చేసుకోలేక పోతూ ఉంటారు. మనం కెరీర్ లో ఉన్నత స్థానానికి చేరాలనే కోరికతో ప్రయత్నాన్ని మొదలు పెడతాం. కానీ మొదట్లో చిన్నచిన్న ఆటంకాలు ఎదురైతే మనం సాధించగలమా...? అనే సందేహం మొదలవుతుంది.
 
ఆ సందేహం మనలో అంతకంతకూ పెరిగి మనకు సక్సెస్ దక్కకుండా చేస్తుంది. మనం లక్ష్యాన్ని సాధించే క్రమంలో ఎన్నో సమస్యలు వస్తాయి. ఆ సమస్యలను ధైర్యంగా ఎదుర్కోవాలి. సక్సెస్ సాధించగలమనే ధైర్యం ఉన్నవాళ్లు సక్సెస్ ను సాధించి తీరతారు. మనం ఎంత శ్రమించినా కొన్ని సందర్భాల్లో సక్సెస్ సొంతం కాదు. అలాంటి సమయంలో ధైర్యంతో ముందడుగు వేయాలి. కష్టపడిన వాళ్లకు విజయం తప్పక సొంతమవుతుందని గుర్తుంచుకోవాలి.
 
ఓపిక, సహనం, ధైర్యం, శాంతి, నిజాయితీ, శ్రమ విజయానికి ఆయుధాలు. ఈ లక్షణాలు మనలో ఉండి మనం కష్టపడితే విజయం సొంతం కాక తప్పదు. శ్రమకు ధైర్యం తోడైతే జీవితంలో ఉన్నత శిఖరాలను సులభంగా అధిరోహించగలుగుతాం. మనలో చివరివరకు పోరాడే ధైర్యం ఉంటేనే ఎలాంటి పరిస్థితుల్లోనైనా విజయాన్ని సొంతం చేసుకోగలుగుతాం.
 
ధైర్యం మనకు తోడుగా ఉంటే ఎవరి సాయం కోసం మనం ఎదురు చూడాల్సిన అవసరం లేదు. గమ్యం చేరే చివరి నిమిషం దాకా వెనుకడుగు వేయకుండా ముందుకు సాగాలి. ధైర్యంతో చేసే సమరం వల్ల తప్పకుండా విజయం మన సొంతమవుతుంది. ధైర్యం మనం విజయం సాధించడానికి కావాల్సిన బలాన్ని అందిస్తుంది. ధైర్యాన్ని మనం ఆయుధంగా మలుచుకుంటే విజయం బానిస అవుతుంది. ఎలాంటి పరిస్థితులు ఎదురైనా సమస్యలను ఎదుర్కొని సక్సెస్ కోసం ప్రయత్నిస్తే విజయం సొంతమవుతుంది. మనపై మనం నమ్మకం ఉంచి ధైర్యంతో ముందడుగులు వేస్తే విజేతలుగా నిలుస్తాం.


మరింత సమాచారం తెలుసుకోండి:

సంబంధిత వార్తలు: