టీమిండియాలో ఆ ముగ్గురు ఉంటే చాలు.. వరల్డ్ కప్ మనదే : రైనా
టీమిండియా జోరు చూస్తే తప్పకుండా వరల్డ్ కప్ టైటిల్ గెలుస్తుందని.. ఎన్నో ఏళ్ల నిరీక్షణకు తెరదించుతుందని అందరూ అనుకున్నారు. కానీ కీలకమైన ఫైనల్ మ్యాచ్లో మాత్రం తడబాటుకు గురి అయింది టీమిండియా. దీంతో ఓటమితో రన్నరప్ తోనే సరిపెట్టుకుంది. ఇక మరోసారి వరల్డ్ కప్ టైటిల్ గెలవాలి అన్న కల కలగానే మిగిలిపోయింది. అయితే ఏడది టి20 వరల్డ్ కప్ ఉన్న నేపథ్యంలో ఇక ఈ పొట్టి ఫార్మాట్ ప్రపంచకప్ లో గెలవడమే లక్ష్యంగా భారత జట్టు ముందుకు సాగుతోంది. ఈ క్రమంలోనే అద్భుతమైన ప్రదర్శన చేయాలని ఆరాటపడుతుంది అని చెప్పాలి.
ఇక ఇదే విషయంపై ఎంతోమంది మాజీ ప్లేయర్లు స్పందిస్తూ ఆసక్తికర వ్యాఖ్యలు చేస్తూ ఉన్నారు. ఈ ఏడాది జరగబోతున్న t20 ప్రపంచ కప్ లో భారత్కు ముగ్గురు ఆటగాళ్లు కీలకం అవుతారు అని మాజీ క్రికెటర్ సురేష్ రైనా చెప్పుకొచ్చాడు. విరాట్ కోహ్లీ రోహిత్ శర్మతోపాటు గాయం నుంచి కోలుకున్న రిషబ్ పంతు జట్టులో ఉంటే చాలు అంటూ చెప్పుకొచ్చాడు. కోహ్లీ వన్ డౌన్ లోనే బ్యాటింగ్కు రావాలి అంటూ సూచించాడు. దూకుడుతో పాటు నిలకడగా ఆడటం కూడా చాలా ముఖ్యం అంటూ చెప్పుకొచ్చాడు సురేష్ రైనా.