DC Vs MI: బోణీ ఏది కొడుతుందో?
IPL 2023: ఇక ఈ సీజన్లో ముంబై ఇండియన్స్ రెండు మ్యాచ్లు ఆడగా ఇంకా ఢిల్లీ క్యాపిటల్స్ మూడు మ్యాచ్లు ఆడింది. కనీసం ఒక్క మ్యాచులో కూడా ఈ టీమ్స్ గెలవకపోవడంతో పాయింట్ల టేబుల్ లో లాస్ట్ రెండు స్థానాల్లో కొనసాగుతున్నాయి. నేడు(మంగళవారం) ఢిల్లీలోని అరుణ్ జైట్లీ స్టేడియంలో ముంబై ఇండియన్స్ ఇంకా ఢిల్లీ క్యాపిటల్స్ టీమ్స్ తలపడనున్నాయి. ఈ క్రమంలో మొదటి విజయాన్ని నమోదు చేసేది ఎవరో అన్నది ఆసక్తికరంగా మారింది. బలా బలాలు పరంగా చూసుకుంటే రెండు జట్లు సమానంగా ఉన్నప్పటికీ హోం గ్రౌండ్లో ఆడుతుండడం ఢిల్లీకి కొంచెం అడ్వాంటేజ్ అని చెప్పవచ్చు.ఇప్పటి దాకా ముంబై జట్టు ఈ సీజన్లో మొత్తం రెండు మ్యాచ్లు ఆడింది. ఈ రెండు మ్యాచుల్లో తిలక్ వర్మ తప్ప మిగిలిన అందరూ కూడా చాలా దారుణంగా విఫలం అయ్యారు. సీనియర్ ఆటగాళ్లు అయిన రోహిత్ శర్మ, సూర్యకుమార్ యాదవ్ ఇంకా ఇషాన్ కిషన్ లు తమ స్థాయికి తగ్గ ప్రదర్శన చేయాల్సి ఉంది. ముఖ్యంగా టీ20ల్లో విజృంభించే సూర్యకుమార్ ఫామ్ అందుకోవాలని టీం మేనేజ్మెంట్ కోరుకుంటుంది. రోహిత్, సూర్యలతో పాటు టిమ్ డేవిడ్ చెలరేగితే ముంబైను ఆపడం ఎవరి వల్ల కాదు. గత మ్యాచ్కు దూరంగా ఉన్న మెయిన్ పేసర్ జోఫ్రా ఆర్చర్ నేటి మ్యాచ్లో బరిలోకి దిగే ఛాన్స్ ఉంది.
చెన్నైతో మ్యాచ్లో దారుణంగా పరుగులు ఇచ్చిన అర్షద్ ఖాన్పై వేటు పడొచ్చు. ముంబై స్పిన్ విభాగం అయితే చాలా బలహీనంగా ఉంది. అందువల్ల పలు మార్పులు చేయొచ్చు.బ్యాటింగ్లో ముంబై టీం లాగానే ఢిల్లీ పరిస్థితి ఉంది. కేవలం కెప్టెన్ డేవిడ్ వార్నర్ ఒక్కడే పరిస్థితులకు తగ్గట్లుగా ఆడుతున్నాడు. ఓ ఎండ్లో వార్నర్ నిలబడుతున్నా కూడా మరో ఎండ్లో వికెట్లు కోల్పోతుండడంతో గెలుపు ముంగిట బాగా బోర్లా పడుతోంది. ఆ టీం కీలక ఆటగాడు మిచెల్ మార్ష్ స్వదేశానికి వెళ్లడం కూడా కూడా ఓ కారణం కావచ్చు. మిడిల్ ఆర్డర్లో మెయిన్ ప్లేయర్ అయిన మిచెల్ మార్ష్ లేని లోటు పూర్తిగా కనిపిస్తోంది. రైలీ రూసో, మనీష్ పాండేలు మిడిల్ ఆర్డర్లో చెలరేగాల్సిన పని ఉంది. ఇక ఓపెనర్ పృథ్వీ షా అనవసర షాట్లకు ఔట్ కావడం టీంని కలవరపెడుతోంది. అతడు ఇంకా బాధ్యతగా ఆడాలి. వార్నర్తో కలిసి టీం కి మెరుపు ఆరంభాన్ని అందివ్వాలని ఢిల్లీ మేనేజ్మెంట్ కోరుకుంటుంది.ఇక ఢిల్లీ బౌలింగ్ విషయానికి వస్తే బలంగానే ఉంది. సాధ్యమైనంత వరకు ఢిల్లీ జట్టులో ఎలాంటి మార్పులనేవి ఉండకపోవచ్చు.