విశాఖ: జగన్ వైపే తెలుగు తమ్ముళ్లు.. అసలు రీజన్ ఇదే..!
పోలింగ్ ముగిసిన వెంటనే విజయవాడకు చెందిన బోండా ఉమా కూడా విశాఖకు వచ్చి ప్రెస్ మీట్ పెట్టి మరి మేము గెలుస్తున్నాము అన్నట్లుగా తెలియజేశారు. ఆ తర్వాత వరుస పెట్టి టిడిపి నేతలు విశాఖ కు చేరుకున్నారు నెల్లూరు జిల్లాకు చెందిన మంత్రి సోమిరెడ్డి, అలాగే రెబల్ ఎంపీ రఘురామ కృష్ణంరాజు విశాఖకు వచ్చి మరి మీడియాతో మాట్లాడడం జరిగింది. ఇవన్నీ చూస్తే రానున్న రోజుల్లో ఖచ్చితంగా మరింతమంది నేతలు విశాఖకు వచ్చే అవకాశం ఎక్కువగా ఉన్నట్లు కనిపిస్తోంది.
విశాఖ నుంచి చంద్రబాబు సీఎంగా ప్రమాణం చేయాలని టిడిపిలో కూడా పలువురు నేతలు తెలియజేస్తున్నారు. దీంతో ఏపీలో రాజధానిగా ముద్ర పడిపోయిన విజయవాడను దాటి ఇప్పుడు ఏకంగా విశాఖకు రాజకీయం షిఫ్ట్ చేయబోతున్నారని వార్తలు వినిపిస్తున్నాయి. జగన్ మొదటి నుంచి చేస్తున్న ఈ పనిని ఇప్పుడు టిడిపి నేతలు చేస్తూ ఉండడంతో అందరూ ఆశ్చర్యపోతున్నారు. మరి రాబోయే రోజుల్లో విశాఖ మెగ సిటీ అవ్వడం ఖాయమని తెలుగు తమ్ముల నోట కూడా వస్తోంది. విశాఖ చుట్టి రాజకీయం చేస్తూ టిడిపి నేతలు. మరి జూన్ 4వ తేదీన తరువాత ఎవరు ఎక్కడ ప్రమాణస్వీకారం చేస్తారనే విషయం తెలియబోతుంది.