ఉత్కంఠ: వైఎస్ షర్మిల తోబుట్టువుకు రాఖీ కట్టేనా ?
తన తండ్రి దివంగత రాజకీయ నాయకుడు మరియు మాజీ ఉమ్మడి తెలుగు రాష్ట్రాల సీఎం వైఎస్ రాజశేఖర్ రెడ్డి అకాల మరణం తర్వాత జరిగిన పరిస్థితులన్నీ తెలిసినవే. ఆ తర్వాత జగన్ జైల్లో ఉన్న సమయంలో వైసీపీ తరపున అండగా ఉండి...పాదయాత్రలు చేసి షర్మిల ప్రజలకు బాగా చేరువైంది. 2014 లో జరిగిన ఎన్నికల్లో పార్టీ ఓడిపోయినా ప్రజల అభిమానాన్ని పొందగలిగారు. 2019 ఎన్నికల ముందు వరకు టీడీపీ చేసిన అవినీతి అన్యాయాలపై వారి తీరును అసెంబ్లీ సాక్షిగా ప్రజల తరపున ప్రశ్నించడంలో జగన్ సక్సెస్ అయ్యారు. ఆ నమ్మకమే తనను 2019 లో జరిగిన ఎన్నికల్లో అఖండ మెజారిటీని తీసుకొచ్చింది. కానీ రెండు తెలుగు రాష్ట్రాల ప్రజలు ఇప్పుడు జగన్ కు షర్మిల రాఖీ కట్టాలని ఆశగా ఎదురుచూస్తున్నారు.
షర్మిల కు సంబంధించి ఇరు రాష్ట్రాలు ముఖ్యమైనవే...అలాంటి సమయంలో సమస్యను పరిష్కరించే విధంగా రెండు రాష్ట్రాల ప్రజలకు మద్దతుగా తన వ్యాఖ్యలు చేసి ఉంటే బాగుండేదని వైయస్సార్ తో అనుబంధమున్న ప్రతి ఒక్కరూ అనుకోవడం జరిగింది. అయితే ఇప్పటి వరకు వచ్చిన మనస్పర్థలను ఈ రాఖీ శుభ దినమున తొలగించుకుని ఉంటే బాగుండేదనే అభిప్రాయాలు వెలువడుతున్నాయి. మరి ఇంకా సాయంత్రం వరకు సమయం ఉన్నందున ఏమి జరగనుంది అని చూడాలి. అసలు జగన్ కి షర్మిల రాఖీ కడుతుందా అన్నా ఉత్కంఠ ప్రతి ఒక్కరిలో ఉంది.