జగన్ పాదయాత్ర : రెండు నెలలు.. రాయలసీమలోనే..!
రాయలసీమలోని కడప, కర్నూలు, అనంతపురం, చిత్తూరు జిల్లాల మీదుగా ఈ యాత్ర కొనసాగింది. కడప లో ఏడు రోజుల పాటు 93.8 కిమీ ల మేర యాత్ర సాగింది. ఇందులో ఐదు చోట్ల బహిరంగ సభలు ఏర్పాటు చేశారు. మూడు ఆత్మీయసమ్మేళనాలు, ఆయా వర్గాలతో భేటీలు కావడం ద్వారా మొత్తం ఐదు నియోజక వర్గాలలో యాత్ర చేశారు. యాత్ర లో అనంతరం కర్నూలు లో ప్రవేశించారు. ఇక్కడ కూడా 18 రోజులపాటు యాత్ర కొనసాగింది. అందులో దాదాపుగా 263 కిమీ మేర జగన్ పాదయాత్ర చేశారు. ఇక్కడ జగన్ ఏడు నియోజక వర్గాలలో పర్యటించారు. ఈ యాత్రలో భాగంగా ఆయన ఎనిమిది బహిరంగ సభలు, 6 ఆత్మీయసమ్మేళనాలు నిర్వహించారు. యాత్ర 26వ రోజున అనంతపురంలో ప్రవేశించడం జరిగింది. ఇక్కడ కూడా జగన్ 9 నియోజక వర్గాలలో పర్యటించారు. అందుకు ఆయన 280 కిమీ నడిచారు. అనంతపురంలో కూడా పది బహిరంగ సమావేశాలు, 4 ఆత్మీయ సమావేశాలు నిర్వహించారు జగన్.
యాత్రలో 46వ రోజున జగన్ చిత్తూరు జిల్లాలో ప్రవేశించారు. ఈ జిల్లాలో కూడా ఆయన 23 రోజులు పాదయాత్ర చేస్తూ, పది నియోజక వర్గాలు పర్యటించారు. దీనికి ఆయన 291.4 కిమీ నడిచారు. ఇక్కడ కూడా ఆయన 8 బహిరంగ సమావేశాలు, 9 ముఖాముఖీ సమావేశాలు నిర్వహించారు. ఇలా దాదాపుగా రెండు నెలలు రాయలసీమ లోనే జగన్ పర్యటించారు. ఆద్యంతం ప్రజాదరణతో ఈ యాత్ర జగన్ కు ఎంతో ఉత్సాహాన్ని ఇచ్చింది. అదే ఉత్సాహంతో యాత్ర కొనసాగించారు జగన్.