అమెరికా అధ్యక్షుడు ట్రంప్ ట్విట్టర్ ఖాతా ను శాశ్వతంగా నిషేధిస్తూ ట్విట్టర్ సంచలన నిర్ణయం తీసుకున్న విషయం విధితమే. అమెరికా కాపిటల్ పై దాడి ఘటనలో ట్విట్టర్ వేదికగా ట్రంప్ తన మద్దతుదారులను రెచ్చగొట్టేలా వ్యవహరించడంపై ట్విట్టర్ ఫైర్ అయ్యింది. ఆయన ట్వీట్ లు హింసాత్మకంగా ఉన్నాయని అంటూ ఖాతాపై శాశ్వత నిషేధం విధించింది. అయితే ఈ ఖాతాను శాశ్వతంగా తొలగించింది ఓ తెలుగు అమ్మాయనే విషయం ఇప్పుడు హాట్ టాపిక్ అయ్యింది. ఓ దేశాధ్యక్షుడు అధికారిక ఎకౌంటు ను తొలగించడం అనే విషయంకంటే కూడా ఓ తెలుగు అమ్మాయి ఇందులో కీలక పాత్ర పోషించింది అనే విషయం హాట్ టాపిక్ అవుతోంది.
ఇంతకీ ఎవరా తెలుగమ్మాయి...ఆమె పేరు విజయ గద్దె. హైదరాబాద్ లో పుట్టిన ఆమెను చిన్నతనంలోనే అమెరికాలో స్థిరపడిన ఆమె కుటుం  హైదరాద్ నుంచి అమెరికాకు వలస వెళ్ళింది తండ్రి ఓ కెమికల్ ఫ్యాక్టరీ లో ఇంజనీర్ గా పనిచేసేవారు. తన చదువు మొత్తం న్యూయార్క్ లోనే జరిగింది. న్యూయార్క్ లా యూనివర్సిటీ లో గ్రాడ్యుయేషన్ పూర్తీ చేసిన ఆమె 2011 లో ట్విట్టర్ సంస్థలో చేరారు. కార్పోరేట్ లాయర్ లీగల్ అంశాలు చూసుకునే ఆమె అంచలంచెలుగా ఎదుగుతూ ట్విట్టర్ లో ప్రస్తుతం ట్విట్టర్ లీగల్ సెల్ ను లీడ్ చేస్తున్నారు..

మొన్నటికి మొన్న అమెరికాలో జరిగిన ఎన్నికల్లో ఎక్కడ కూడా రాజకీయ ప్రకటనలకు అవకాశం కల్పించవద్దని ఆమె పట్టుబట్టి, ఏకంగా ట్విట్టర్ సిఈవో ను ఒప్పించారు. ట్విట్టర్ తీసుకునే ప్రతీ కీలక నిర్ణయంలో మన విజయ పాత్ర  ఉండాల్సిందే. ఆమెను సంప్రదించిగాని ట్విట్టర్ ముందుకు వెళ్ళేది కాదంటే అతిశయోక్తి కాదు. ఆడవాళ్ళు ఏ విషయంలో కూడా రాజీపడకుండా జీవితాన్ని సాగించాలని బలంగా కోరుకునే వ్యక్తిత్వం ఉన్న మహిళ విజయ గద్దె. మొన్నటి అమెరికా కాపిటల్ గొడవలలో ట్రంప్ తీరు చాలా అభ్గ్యంతర కరంగా ఉందని, ఈ విషయంలో ట్రంప్ పై చర్యలు తీసుకోవాల్సిందేనని విజయ తన నిర్ణయాన్ని తెలిపారట. అంతేకాదు ట్రంప్ పై చర్యలు తీసుకోకపొతే ప్రజలలో ట్విట్టర్ పై భిన్నాభిప్రాయాలు వెలువడుతాయని ట్విట్టర్ ను వేలెత్తి చూపించే అవకాశం ఎవరికీ ఇవ్వకూడదని ఆమె ట్విట్టర్ సిఈవో ముందు బలమైన వాదన చేశారట. చివరికి ఆమె మాటలకు విలువ ఇచ్చిన  సిఈవో ట్రంప్ ఖాతాపై శాశ్వత నిషేధం విధించారు.